Anne Curtis wants to move on and forget nip-slip controversy

IMAGE 0


"You know, the misfortune of someone else, they took that to their advantage. And you know, it's my embarrassment. Nakakahiya yung nangyari sa akin tapos they used it. For what? Para lang kumita yung kanilang magazine or tabloid? You know, it's just really...masakit. I just like to let you know para lang matapos na. Kalimutan na ng tao," says Anne Curtis.


Matapos maging usap-usapan ang controversial nip-slip photos and videos ni Anne Curtis na lumabas sa tabloids at kumalat sa Internet, inihayag ng young actress ang tunay niyang saloobin sa kanyang live guesting sa The Buzz last Sunday, March 28.

Kausap ang host na si Boy Abunda, kaagad sinabi ni Anne na, "What a week!" na tumutukoy sa hinarap niyang kontrobersiya buong linggo makaraang aksidenteng lumabas ang isang dibdib niya dahil sa wardrobe malfunction ng suot niyang swimsuit during a dance number para sa ASAP XV last March 21 sa Boracay.



SAM TO THE RESCUE. Sa kaganapang ito ay mabilis na sumaklolo sa kanya ang ex-boyfriend niyang si Sam Milby. Ito rin ang nanguna sa pagtatanggol sa actress-TV host. Hindi tuloy maiwasang itanong ni Boy kay Anne na ngayong wala sa bansa ang aktor para sa Heartthrobs tour nito sa U.S. with Piolo Pascual, paano sila nag-uusap?

"Well, nagbi-BBM [Blackberry Messaging] naman kami," kaswal na sagot ni Anne.

Alam naman daw ni Sam ang hirap na dinaraanan niya at naa-appreciate niya raw ang concern sa kanya ng ex-boyfriend.

"Whenever something new comes out, kung hindi man ako mag-update sa kanya, he's the one who updates me. And alam ko he even went to the extent of reporting users or blocking users. Ganun niya ako tinutulungan."

Sa Babe Grand Bar Party para sa pelikula nina Anne at Sam na Babe, I Love You, nakita si Sam na niyakap nang mahigpit si Anne sa stage. Ano ang sinabi ni Sam sa kanya noon?

"Wala. At the time na we hugged each other, we were just accepting na parang, you know, we were happy na the movie is finally over [shooting]. This is it. And also he was leaving right then, so he was saying, you know, he'll miss me," sabi ni Anne.

Ano naman ang sinabi niya kay Sam? Sinubukan niya bang pigilang umalis si Sam?

ADVERTISEMENT - CONTINUE READING BELOW

"Of course not. Kasi alam ko naman na he has the Heartthrobs tour. Trabaho lang."



NOT A PUBLICITY STUNT.
Nababanggit ang Babe, I Love You dahil may intrigang kumalat na ang naturang nip-slip incident ay bahagi lang daw ng promo ng kanilang pelikula, lalo na't malapit na itong mag-showing sa April 3, Black Saturday. Nagalit ba si Anne sa intrigang ito?

"I'm very angry and upset doon sa mga taong who think na I would go for that, na gagawin ko yun sa pagkatao ko, sa sarili ko. Alam ko naman na hindi ko naman kailangan yun, e. I mean, ba't ako gagawa ng isang gimik na it would disrespect myself? It would violate myself? Anong klaseng utak meron kayo para pag-isipan ako ng ganun?" diin niya.

Ipinaliwanag pa ni Anne na hindi naman sexy ang tema ng movie nila ni Sam.

"E, hindi naman ganun yung movie. Hindi naman ganun yung pagkatao ko. Yung movie namin napaka-wholesome. So, ba't ako gagawa ng ganung klaseng aksiyon para lang kumita yung movie?' sabi pa niya.



MOVING ON.
Sa hirap na kanyang pinagdadaanan, how is she moving on?

"Well, I spoke to my dad. And ang sabi sa akin ng daddy ko because, you know, all the issues...if we should sue. Kung dapat bang gumawa kami ng aksiyon."

Ano ang sabi ng daddy niya?

"My dad and I spoke about it. And we said huwag na lang."

Sa bahaging ito ay naging emosyonal na si Anne at nagsimulang mapaiyak.

"You know, the misfortune of someone else, they took that to their advantage. And you know, it's my embarrassment. Nakakahiya yung nangyari sa akin tapos they used it. For what? Para lang kumita yung kanilang magazine or tabloid? You know, it's just really...masakit. I just like to let you know para lang matapos na. Kalimutan na ng tao," sabi ni Anne.

ADVERTISEMENT - CONTINUE READING BELOW

Mababa raw ang tingin niya sa mga ganitong klaseng tao.

"These are the people who are below the standards of what normal press people are. Iba yung standard ng press dito sa Pilipinas. That's below the belt na."



EMBARRASSING MOMENT.
Hindi naman daw sinasadya ni Anne ang pangyayaring ito. Ginagawa niya lang daw ang trabaho niya at ibinigay ang lahat para sa dance number na iyon. Pero pakiramdam niya ay napaglaruan pa siya.

"It's an embarrassing moment for me Tito Boy, e," ulit niya. "So, para paglaruan pa nila ng ganyan. Gawan pa nila ng isyu. Ipagkalat pa nila 'yan. Parang napaka...nagagalit talaga ako sa kanila. But kahit na I was running on those emotions, my dad told me na, 'You know, you are above all of these. You know, they're below your dignity.' So, huwag ko na lang silang patulan. Parang pag-uusapan pa sila if I go through it and suing them. Ano pang makukuha ko doon? Hahaba pa yung isyu, so huwag na lang."

Bilang isang babae, ano ang nais niyang iparating sa lahat ng mga taong ito na nagpapakalat ng mga larawan at videos niya?

"'Asan yung konsensiya ninyo na meron kayong nasasaktan na tao? Meron kayong pinapahiya na tao. Sana nakakatulog kayo nang maayos. I mean, kasi ako hindi, and it's really painful knowing na yung mga tao, they can do that to someone who's not even doing anything [bad] to anyone else. Gusto ko lang naman is to do my job, to make people happy, to promote my movie. I was just doing my job, Tito Boy."



LEARNINGS.
Ano ang natutunan niya sa karanasang ito?

"It's really how to be patient. And how to keep my mouth shut kasi when I first found out about it, nagagalit talaga ako, galit na galit. Ang dami kong gustong gawin. I would just say, be patient and think through kung ano yung mga aksiyon na dapat kong gawin. And that's what helps me get through this. Kasi before ako nagpa-interview agad, lalabanan ko. I will do everything.

ADVERTISEMENT - CONTINUE READING BELOW

"A little patience, it makes you make wiser decisions. Baka pagsisihan ko pa. So ang sa akin ngayon, I want to move on. I want to forget about it. It's like a bad dream. Kaya sana lahat din ng mga tao, kalimutan na rin ang nangyari," pakiusap ni Anne.

Natutuwa naman si Anne sa mga followers niya sa Twitter dahil ang dami raw gumagawa ng way para hindi na kumalat pa ang kanyang controversial pictures at videos.

"When it happened, ang daming nag-a-update sa akin kung ano yung mga blogs, blinock nila yung users. They asked their friends to take the video down. Ina-untag nila yung sarili nila sa pictures. So, ang dami talagang kababaihan, hindi lang kababaihan pati mga lalake, na sinasabing, 'Magkaroon naman kayo ng respeto.'"

Samantala, isang Facebook account na Respect For Anne Curtis ang ginawa ng mga supporters ni Anne bilang pakikiisa sa pagkondena sa pagpapakalat ng controversial photos at videos ni Anne.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN