Dolphy maintains loyalty to ABS-CBN despite being a TV5 star

IMAGE 0


Pidol's Wonderland lead star Comedy King Dolphy says he will always be a loyal Kapamilya. "Kalahati ng buhay ko, nasa showbiz, at kalahati ng buhay-showbiz, nasa ABS-CBN. Basta ang puso ko, nasa kanila. Kung kailangan nila ako kahit extra. Non-exclusive ako sa TV5, faithful pa rin sa Dos. Mahal ko sila, kaya lang kailangan kong magtrabaho, hinahanap kasi ng katawan ko ang trabaho."


Aminado ang Comedy King na si Dolphy na iba na ang style ng pagpapatawa ngayon. Sinabi ng ace comedian sa ginanap na presscon ng Pidol's Wonderland ng TV5 last Friday, April 23, sa Milky Way, Pasay Road, Makati na iba na ang mga manonood ngayon.

"Yeah, marunong na ang tao ngayon, marunong sila, pati yung mga salita nila, e, iba," panimula ni Mang Dolphy nang makausap ng PEP (Philippine Entertainment Portal).

Yun bang pagpapatawa niya ngayon at noon, may nagbago ba?

"Hindi naman, pareho lang. Ang kinakailangan lang ay up-to-date ka. Ngayon kasi, medyo iba ang lengguwahe ngayon, e. Pero ang format, yun din. Language and technical side, nagbago. Ako, minsan kapag nanonood, alam ko na kung ano ang mangyayari," saad pa ng 82-year-old na Hari ng Komedya.

COMEDY IS HARDER THAN DRAMA. Inusisa rin siya ng PEP kung talagang mas mahirap magpatawa kaysa mag-drama, at kung saan niya nakuha ang talento sa pagpapatawa.

"Oo, agree ako roon. Mas mahirap talagang magpatawa kaysa magdrama. Magdrama ka, kahit hindi ka makaiyak, e, drama pa rin 'yon. Magpatawa ka, pag di ka nakakatawa, hindi na 'yon comedy," seryosong saad ni Mang Pidol.

"Siguro sa experience ko na rin nakuha itong talent sa pagpapatawa e. Rati akong dancer, mahilig akong manood ng comedy movies, comedy show," pahabol pa niya.

Idinagdag pa niya ang mga inspirasyon sa pagko-comedy.

"Si Charlie Chaplin, 'tapos sa local naman sina Tugo at Pugo... lahat ng comedian, Jerry Lewis..."

Si Charlie Chaplin ang sikat na American Silent Film Era (1914-1920s) comedian, ang Filipino comedy duo na sina Tugo at Pugo ay sumikat naman noong 1940s, habang ang Hollywood comedian na si Jerry Lewis ay sumikat noong 1950s to 1960s.

ENGLISH-TAGALOG TRANSLATION. Nabanggit din niya ang ginagawa nila dati ni Mang Panchito na Tagalog-English na kanta, na gusto rin daw sana nilang gawin sa Pidol's Wonderland.

ADVERTISEMENT - CONTINUE READING BELOW

"Iyon nga ang gusto kong gawin, kaya lang ngayon, pinag-uusapan namin, pag kumanta ka ng four parts, naniningil na, e. Hindi kamukha noong araw, kahit gaano kahaba, kantahin mo hindi nanininggil [ang talent]. Kaya ginagawa namin ngayon dito, ikinukuwento para hindi ka magbabayad. Tulad minsan ng ginawa namin, ikinuwento lang namin, para hindi magbayad.

"Kasi may bayad na, naniningil na sila kaya ang ginagawa namin ikinukuwento na lang para walang bayad. Pero baka pakiusapan ko ang istasyon, kung maaari, magbayad na kahit isa lang, siguro kung isa lang naman yun can afford naman nila kung isang kanta lang."

Sinabi rin ni Mang Dolphy na hindi niya idea ang kasalukuyang sitcom sa Kapatid network.

"Hindi ko ito idea, sa kanila ito [TV5 management]. Ngayon ang inilagay ko lang, kinakailangan na may tinatakbuhan akong pamilya. Kasi kung fantasy lang na lahat, wala akong role riyan. Pero sa kanilang idea yung parang may Lola Basyang."

A LOYAL KAPAMILYA. Inulit din ng beteranong komedyante ang kanyang loyalty sa ABS-CBN.

"Ay, oo, way back 1963, 'tapos until Martial Law [1972-1981], then na-take over nina Kitchie Benedicto, then ABS-CBN na, and then bumalik uli. So, kalahati ng buhay ko, nasa showbiz, at kalahati ng buhay-showbiz, nasa ABS-CBN. Basta ang puso ko, nasa kanila. Kung kailangan nila ako kahit extra.

"Non-exclusive ako sa TV5, faithful pa rin sa Dos. Mahal ko sila, kaya lang kailangan kong magtrabaho, hinahanap kasi ng katawan ko ang trabaho. 'Ika nga ang kotse kapag hindi pinatatakbo e kailangan din namang patakbuhin para hindi masayang."

ISSUES ON ENDORSING SEN. MANNY VILLAR. Diretsahan din niyang sinagot ang mainit na isyu ng pagiging playboy o babaero raw ng ilang endorser ni Sen. Manny Villar.

"Sabi ko nga, hindi naman si Villar 'yon, e, ako. Hindi naman si Villar ang babaero, ako, e. Atsaka ano'ng pakialam nila roon?" seryosong saad niya. "At kahit prostitute naman kung tutuusin, puwedeng mag-endorse, kung gusto niyang manalo ang isang presidente. Bakit, masama ba 'yon?

ADVERTISEMENT - CONTINUE READING BELOW

"At huwag tayong maging ipokrito, marami ring mga pulitiko na babaero. Diyos ko naman, o. Sino naman ako riyan? Dami nila ano! Bakit naman sini-single out nila ako riyan? Huwag na tayong magbanggit, kilala naman niyo kung sino 'yon."

Ano ba ang nakita niyang katangian ni Sen. Villar at siya ang in-endorse nito?

"Totoo naman na marami siyang natulungang mahihirap at OFW [Overseas Filipino Workers], totoong makatao siya, kaya gusto ko siya, hindi siya fake, hindi siya plastic, hindi siya Tupperware," makahulugang paliwanag pa niya.

Idinagdag pa ni Mang Dolphy na naniniwala siyang maiiaangat ni Sen. Villar ang bansa sa kahirapan.

"May kapasidad siya na magawa 'yon. Mas magagawa niya na makatulong talaga sa mga maliliit. Maiaangat niya nang kaunti ang mga mahihirap. Hindi ko sinasabing lahat, pero may mga matutulungan siya. Kasi mahirap yun na lahat maiaangat niya sa kahirapan. Kasi one-fourth yata ng population natin mahirap.

"Kasi nilabanan niya ang kahirapan, e. Pero hindi naman siya lang. Tutulong ka rin. Ituturo lang niya kung paano mo malalabanan ang kahirapan, ganoon naman, e. Ibig sabihin kasama ka rin hindi naman yung si [Sen.] Villar lang ang tutulong. Sama-sama tayo, tulung-tulong."

Ang Pidols Wonderland ay tinatampukan din nina Vandolph Quizon, Epi Quizon, Jenny Quizon, Baby VJ, Brod Pete, Long Mejia, Joy Viado, Arianna Barouk, Mar Lopez at iba pa. Ito ay mula sa direksiyon ni Eric Quizon at napapanood tuwing Linggo, 6:30 p.m. sa TV5.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN