"Hindi na ako kamukha ni Aguinaldo!" unang bati ni Lance Raymundo nang makita ng PEP (Philippine Entertainment Portal) last Wednesday, July 28, sa huling screening ng Ang Paglilitis Ni Andres Bonifacio sa UP Film Institute. Ang okasyon ay ang "Cinemalaya Goes UP 6" sa University of the Philippines, Diliman, Quezon City, kunsaan dinala ang mga entries ng Cinemalaya Independent Film Festival 2010 matapos ng competition.
The actor was referring to his haircut, na hindi na flattop at medyo humaba na. Wala na ang "Emilio Aguinaldo" look. which he took on bilang pagtugon sa karakter na ginampanan niya sa Mario O'Hara film.
What's keeping him busy these days after doing Paglilitis?
"Wala pa, pero my manager, si Ricky Gallardo, naghahanap siya... I hope I can do TV assignments," nakangiting sabi ni Lance.
Pero sa ngayon, kakukuha lang sa kanya bilang model-endorser ng Vigen BodyCare, isang health and beauty center, na ang programa ay sinimulan noong June 29. Noong July 16, nag-pictorial siya para sa billboard ad campaign ng programa.
"I had a meeting with Judy Ohm and Ben Ho of Vigen last July 26, for a body challenge in which I would get my abs back in three weeks," sabi ni Lance.
Sa mga litrato ni Lance sa billboard at sa Facebook, makikita ang malaking improvement ng kanyang katawan kumpara noong early May 2010, o bago siya mag-shoot para sa Paglilitis.
"The busy shooting schedules didn't give me time for exercise and I gained a bit of weight," sabi niya. Magtutuluy-tuloy ang programa ng Vigen BodyCare, with Lance Raymundo doing a series of photo shoots this August.
OPEN-MINDED. Sa UP screening ng Andres Bonifacio biopic ay napatunayan ni Lance ang all-out support niya para sa pelikula. Nasa Japan ng araw na iyon si Alfred Vargas na siyang gumanap na Andres Bonifacio, kaya mas lalong na-appreciate ang pagsusumikap ni Lance na makadalo, dahil siya ang bukod-tanging major cast member na nakarating.
Pagkatapos ng palabas ay lumahok pa siya sa open forum with the UP students. Ikinagalak ang effort niya ng ilang kasamahan sa proyekto na nandoon, tulad nina JR Espejo (musical scorer), Apol Saspa-Dating (film editor), at ang mismong direktor na si Mario O'Hara, na nakapanayam namin nang hiwalay.
Na-disappoint ba si Lance na hindi siya nanalo ng award para sa pagganap kay Emilio Aguinaldo?
"Last year, aaminin ko, since bago pa lang ako noon, I got disappointed na hindi ako ang nanalo," sabi ni Lance, na ang tinutukoy ay ang pagganap niya sa Cinemalaya 2009 entry na Nerseri. na dinirek ni Vic Acedillo Jr. "But, then, now, I'd be willing to be more open-minded sa trabaho ko...
"Robbie Tan [of the Cinemalaya Monitoring Board] told me that I'm better this year. And, I think, nakatulong din yung mas open-minded na nga ako ngayon na artista.
"And, hopefully, I would find a role that one day would merit me an award," pag-asam niya. "Okey lang 'yon. When I did the film... I did my acting for the movie naman, not for any award. I gave to Mario O'Hara what he's looking for in the movie, without thinking of myself na, 'Ito, ikakapanalo ko ito!'
"Kasi, if you do that, medyo mas may bias yung performance mo, na it's kinda selfish na, 'I'm doing this to have an award!' So, if you're more open-minded... na 'I'm doing this, para sa ikakaganda ng pelikula,' you'll have a more meaningful and honest performance, di ba? So, yun. Even before I did Ang Paglilitis, to avoid disappointments, I already told myself that."
At sinabi pa niya, "When I did that role, too, I did it not like yung isang artistang ginampanan ang isang tao. Kinilala ko rin siya [Aguinaldo], and when I finally knew him, na-appreciate ko yung ginawa rin niya [para] sa bansa."
HERO. Hindi na mawawaglit sa isipan ni Lance ang karakter na ginampanan, dahil bahagi ito ng pagiging isa rin niyang makabayan. Naroon ang kanyang empathy sa tauhan na umiiral sa totoong buhay.
"Parang palagi siyang napapagkamalang villain, di ba?" ang sabi ni Lance tungkol sa unang Pangulong Emilio Aguinaldo. "But then, if you look deep within, makikita mo na minahal niya yung bansa, and he did a lot of things for the country.
"He's also a hero," ang pagtukoy ni Lance kay Aguinaldo, na naging idol na rin niya. "Nasiraan lang siya... even towards the end. Kaya pinag-aralan kong mabuti yung character ko. And that also gives me an interest [to go into] politics in the future.
ON ENTERING POLITICS. "Dati, naiisip ko lang. Pero nung... [ginawa ko yung Aguinaldo role], hindi naman sa naging triggering factor...pero it also helped push me into making more decisions about my future.
"Yung showbiz, hanggang kung kailan lang, and then after that, I also wanna advance into politics some day. But maybe not in the near future. I'm still young...
"That's why, sana yung mga dreams ko in showbiz... like going back to television, to doing teleseryes, sana matuloy lahat. Because that's gonna help also in building my personality. Also, para mas lumawak pa ang pagkakakilala sa akin ng mga tao," seryosong pahayag ni Lance.