Monique Wilson espouses local theater groups

IMAGE 0


"When you're 40 already, ayaw mo nang mag-aksaya ng panahon. Gusto mo nang gawin yung gusto mo lang gawin because siyempre, you're not young anymore. You don't spend time doing things that don't make you happy anymore," says Monique Wilson , who's celebrating her 30th year as an actress whose career has spanned theater, television, and movies.



Nagbabalik sa theater scene si Monique Wilson, isa sa mga kilalang Filipino theater actress, through a one-woman play next month. Four years ding nawala si Monique eksena dahil tinutukan niya ang pagtuturo sa London.

Thirty years na si Monique sa mundo ng teatro. Marami na siyang nagawang local productions bago pa man siya tumuntong sa kolehiyo sa University of the Philippines at kumuha ng kursong theater Arts.

Sa edad na 18, pinalad siyang mapili bilang alternate ni Lea Salonga sa role na Kim sa Miss Saigon, and then she was doing the lead role a year later.

CATS IN MANILA. Masaya si Monique at napunta dito sa Pilipinas ang musical na Cats, na itinatanghal ngayon sa Cultural Center of the Philippines with Lea playing the role of Grizabella.

"Actually, I think there's a place for everyone. It's also good sometimes na mayroon tayong mga international shows dito. Like Cats nga, grabe yung training nila diyan. Magagaling silang kumanta at sumayaw kasi pinag-aralan nila 'yon," sabi ni Monique sa panayam sa kanya ng PEP (Philippine Entertainment Portal) kahapon, August 18, sa Music Museum sa Greenhills, San Juan.

Panawagan lang ni Monique, huwag kalimutan ang local theater groups na nagtatanghal din ng mga dula at musicals.

"Mas mahal panoorin ang mga international musicals. Kailangan din namin ang support ninyo. You just keep it equal yung support. Kung manonood sila ng Cats, manood din kayo ng Tanghalang Pilipino, ng PETA, Repertory Philippines, at marami pang theater groups," sabi niya.

THE CLIMB. Ayon kay Monique, akala ng ibang tao ay madali lang maabot ang kasikatan at respeto na narating ng mga kagaya niyang artist.

"Minsan nga lang, ang sakit ng Filipino artist, which I'm trying to really change, is mayroon tayong natural talent, pero alam mo, hindi sapat 'yon. Para sa mga kabataan ngayon na gustong gawin ang ganito, kailangan mag-aral kayo at mag-practice kasi kailangan mag-last kayo sa industriya.

ADVERTISEMENT - CONTINUE READING BELOW

"Look at Lea and even myself, we've been doing theater all our lives. Hindi lang basta-basta ito na ginawa namin. Marami kaming in-invest na oras diyan para ma-train kami. And of course, it's not easy to be an actor," pahayag ni Monique.

BRINGING PRIDE. Sabi pa ni Monique, importante pa rin para sa kanya ang bumabalik dito sa Pilipinas kapag bakasyon sa London.

"Kahit na nakatira ako sa London and I teach there, feeling ko, I have an obligation to keep coming back. Para mag-produce ng play. Para umarte. Mag-workshop dito at magturo. Kasi kung talagang para sa iyo lang ang career mo, then that's too selfish. Kailangan i-share mo rin. Kasi siyempre, maliit lang ang industriya ng teatro natin dito. Kailangan pa rin tinutulungan," saad niya.

May 16 years na rin ang kanyang theater group, ang New Voice Company. Dahil dito, nagagawang ibahagi ni Monique kung ano ang tinuturo at natutunan niya sa London.

"Sometimes kapag umuuwi ako, I hold workshops. Eventually, I will give London a few years na lang. Siyempre, na-feel ko din, paano na yung Filipino artists kapag sila yung tinuturuan ko dito. Pero siyempre, you want to get the qualifications and that experience. And then eventually, of course dito na," sabi niya.

Bilang teacher sa London, busy si Monique sa pagtururo ng Master's degree level students.

Kuwento niya, "Some of them are even older than me. Tapos, mga taga-ibang bansa din sila kasi international yung school. It's very pressurized. Kasi alam mo sa England, napakaseryoso ng theater training. Nag-spend sila ng ganun karaming money just to train."

Monique trained at the London Academy of Music and Dramatic Arts (LAMDA) and took her MA in Applied Theater and Drama Education at Central School of Speech and Drama, also in London. Dito sa Central School din nag-aral ang well-respected actresses na sina Judi Dench at Vanessa Redgrave.

ADVERTISEMENT - CONTINUE READING BELOW

NO DISCRIMINATION. Masuwerte raw si Monique at wala siyang na-encounter na discrimination sa pagtira niya sa London.

"Wala. I mean, even this job that was offered to me, imagine na ako lang ang Asian sa aming faculty. Ako yung pinakabata. Even my students are older than me. Pero may nakita sila sa akin at sinasabi nila parati na 'you're the best person for this job.' That was really good kasi alam mo na na-recognize nila yung experience mo."

Dagdag niya, "I'm always excited din kapag may mga Asian students din ako siyempre, at kaunti lang ang Asian students like from Japan or Malaysia or Thailand. I always tell them na, 'You should be proud of who you are. We don't want to be British. That's not who we are. Hindi din puwede magganap tayo na Amerikano or British tayo. Hindi. Pinoy ka. And that what makes you interesting abroad. Kailangan yung identity mo, napakalakas para marespeto ka din ng mga tao.'"

Itatanghal ni Monique at ng New Voice Company on September 3 and 4 ang dulang My Name is Rachel Corrie sa Music Museum. Ito ay Asian premier ng nasabing dula tungkol sa buhay ng isang 23-year-old American na nag-alay ng buhay niya para sa kapayapaan sa pagitan ng mga Israeli at Palestinian.

Ang New Voice Company din ang nagtanghal ng Vagina Monologues dito sa Pilipinas. Naimbitahan noon si Monique na makasama sa cast ng naturang dula noong 2008 sa New Orleans during the V-Day celebrations. Kasama niya sa cast sina Jane Fonda, Rosario Dawson, Jennifer Hudson, at iba pang international artists.

Kailangan nang bumalik ni Monique sa London pagkatapos ng My Name is Rachel Corrie. Magsisimula na ang school sa London on September 14. Hopefully, kapag naging maganda ang tanggap ay babalik siya sa December para ma-tour sa Pilipinas and other Asian countries. Naka-set din i-release ni Monique ang bagong album niya sa December.

ADVERTISEMENT - CONTINUE READING BELOW


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN