Jamie Rivera airs her side on music piracy

IMAGE 0

Jamie Rivera on music piracy: "On the other hand, marami rin tao, 'yong mahihirap, nakakarinig sila ng mga songs, so you get to promulgate the faith. That's not a reason for me to rejoice, [because] piracy is still piracy. Piracy is stealing."


Isa sa mga popular na '80s singers si Jamie Rivera. Nauna siyang nakilala sa mga hit singles niya na "Mahal Naman Kita" at "Hey, It's Me."

Pero ngayon, mas kilala na siya sa bansag na "inspirational diva" dahil sa mga revival niya ng iba't ibang church songs tulad ng "Jubilee Song," "Only Selfless Love," at "Heal Our Land."

Kamakailan ay nakapanayam ng PEP.ph (Philippine Entertainment Portal) at ilang entertainment press si Jamie sa presscon ng 80289: '80s Music To the Max, sa '80s Café sa Sgt. Esguerra Cor. Eugenio Lopez St., Quezon City.

Bilang nagre-revive din ng mga kanta, sinabi niya na sa kasalukuyan ay ito na ang "trending" sa music industry.

"'Yon talaga ang trending ngayon, revivals," saad niya.

"Hindi naman dapat ikalungkot 'yon, e, wala tayong magagwa do'n. Dadating na naman 'yong time na puro original na naman.

"But now, 'yon ang trend ngayon, e, revival.

"Its good naman na 'yong mga '80s songs na ire-revive makikilala pa rin. Madami kasi talagang magagandang '80s song, kaya lang ngayon siyempre...

"Alam mo, sa totoo lang kasi, ang music industry lalo na sa TV scenes, medyo hirap ang OPM, kaya nga nire-revive namin ang OPM sana.

"Kaya nga dito sa 80289, mayro'n din kaming tribute to OPM, kaya it's very important na makanta namin 'yong mga songs namin."

'PIRACY IS STEALING.'Ang piracy ang isa sa mga itinuturong dahilan kung bakit takot ang ilang artists na gumawa ng original music.

Sa bilis ng pag-unlad ng teknolohiya, madali na lang para sa ilan ang mag-download ng album tracks o hit singles gamit ang Internet.

Para kay Jamie, may dalawang epekto ang piracy sa music industry.

"First, I feel bad for the production," panimula niya.

"Kapag ikaw ang nag-produce, alam mo 'yong costing, e, alam mo 'yong mga taong nagtatrabaho para pag kumita 'yong album, kikita din sila.

ADVERTISEMENT - CONTINUE READING BELOW

"So, lahat ng mga 'yan hindi sila kumikita because of piracy.

"Walang bumabalik sa kanila kasi hindi naman nagbabayad ang mga pirates, e, ang gastos lang nila is 'yong machine nila and 'yong CD."

Kapag kasi hindi awtorisado o walang bayad ang pagda-download ng kanta ay walang kinikita ang mga mang-aawit at producers.

Maaaring kahit papaano'y may mabuting nagagawa ang madaling pagkuha ng kanta sa Internet, gayunman, para kay Jamie ay hindi pa rin tama ang kanilang ginagawa.

"On the other hand, marami rin tao, 'yong mahihirap, nakakarinig sila ng mga songs, so you get to promulgate the faith.

"That's not a reason for me to rejoice, [because] piracy is still piracy.

"Piracy is stealing.

"The only positive side is they could hear the word of God, but they could hear that through the Bible, through the radio, by buying the original."

Kaya naman ang mensahe ni Jamie sa mga mamimili, at sa mga nagpipirata ng kanilang albums: "There's no good side in piracy, piracy is stealing, it's still bad."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN