RJ Bautista pleads "not guilty" in Ramgen Revilla murder case; Parañaque court orders arrest of Ramona and three other suspects

IMAGE File photo

Ramon Joseph "RJ" Bautista, a suspect in the murder case of his brother Ramgen Revilla, finally showed his face to the camera when he attended the arraignment yesterday.


Naghain ng "NOT GUILTY" plea si RJ Bautista at dalawa pang akusado sa kasong pagpatay kay Ramgen Revilla at pagbaril sa nobya nitong si Janelle Manahan.

Si RJ, nakababatang kapatid ni Ramgen, ang isa sa itinuturong mastermind sa krimen.

Nakakulong siya ngayon sa Parañaque City jail.

Ang kapatid naman nilang si Ramona "Mara" Bautista, isa pa sa pinaghihinalaang mastermind sa pagpatay kay Ramgen, ay nakaalis na ng bansa at hindi malaman ang kinaroroonan ngayon.

Ayon sa report ng ABS-CBN evening news programs na TV Patrol at Bandila kagabi, Enero 17, bantay-sarado ng Bureau of Jail and National Penology (BJNP) si RJ sa arraignment nito kahapon.

Bantay-sarado rin daw ang mga kapwa-akusadong sina Michael Nartea at Francis Tolisora, sa ginawang arraignment ng mga kaso nila na "murder" at "frustrated murder."

Ito ay kaugnay nga sa pagpatay kay Ramgen at sa pamamaril kay Janelle noong Oktubre 28, 2011.

ADJUSTING IN JAIL. Hindi tulad noon na nakatakip ang mukha ni RJ, ngayon ay kitang-kita na ang mukha ng binata at nagagawa pang ngumiti.

Nang matanong kung bakit hindi na siya naka-maskara ngayon, aniya, "Lumabas na yung picture ko sa TV, e.

"Wala nang point [ang pagtatakip]."

Nasa courtroom din para magbigay-suporta ang ina ni RJ na si Genelyn Magsaysay, pati na ang mga kapatid ni RJ na sina Gail, Raijin, at Reuben Bautista.

Ayon kay Genelyn, "We're still not okay. As long as my son's in jail, we will not be okay."

LIFE INSIDE THE JAIL. Sa kauna-unahang pagkatataon ay pumayag sa isang eksklusibo pero maikling panayam si RJ.

Ito ang interbyu ng ABS-CBN News reporter na si Zyann Ambrosio:

Kumusta ka naman?

"I'm very okay."

Kumusta ka naman sa loob ng kulungan?

"Okay lang din. Nakaka-adjust...naka-adjust na for more than two months."

Kumusta naman ang Christmas mo sa loob?

"Malungkot, siyempre. Pero nakakaano pa rin...kayang-kaya."

ADVERTISEMENT - CONTINUE READING BELOW

Hindi na sumagot si RJ nang matanong kung ano ang wish niya.

"NOT GUILTY." Nang magsimula na ang hearing ay ipinagbawal na ang mga camera sa loob ng courtroom.

Dito ay naghain ng "NOT GUILTY" plea si RJ at ang dalawa pang suspek.

Mabilis lang ang arraignment, at matapos ito ay nagyakapan na sina RJ at ang kanyang pamilya.

Napagkasunduan sa korte na sa Marso 1, 2012, ang susunod na pagdinig o pre-trial ng kaso.

Pero naiinip na ang pamilya Bautista at sinabing tila may delaying tactics daw ang prosekusyon.

Ayon kay Gail, "Actually, that's too far out. Mas better sana kung mas napaaga."

Umaasa ang pamilya Bautista na, sa kabila ng halos dalawang buwan nilang paghihintay bago dininig ang kaso, mapagbibigyan na ang kanilang kahilingang mapabilis ang paglilitis.

ARREST RAMONA ET. AL. Samantala, kaugnay pa rin ng Ramgen murder case, iniutos na ng Parañaque Regional Trial Court ang pagdakip kay Ramona at tatlo pang suspek.

Ito ay sina Ryan Pastera, alyas Bryan, at magkasintahang Norwin dela Cruz at Glaiza Visda.

Sa ulat ng ABS-CBN News reporter na si Dominic Almelor, agad na nagpunta ang Parañaque police sa bahay ni Pastera sa Las Piñas kahapon.

Pero ayon sa mga kapitbahay, ilang linggo nang wala si Pastera rito.

Dagdag naman ni Police Chief Inspector Ferjen Torred: "Umalis daw nung Huwebes [Enero 12], sakay ng sasakyan ni Mrs. [Genelyn] Magsaysay.

"Ibig sabihin, tinulungan talaga nila itong si Ryan Pastera na makatakas."

Si Ryan ay kaibigan ng mag-asawang Gail at Hiro Furuyama.

Isang beses lang itong sumipot sa piskalya, at may escort na mga NBI agent.

Hinala ng mga abugado ni Janelle, kinakanlong ng NBI si Pastera.

Batikos ni Atty. Argee Guevarra: "Ang galing-galing nilang samahan dito si Ryan Pastera. E, dapat alam nila ngayon kung nasaan siya.

"Pag hindi nila na-produce 'yan, yari sila dito sa korte."

ADVERTISEMENT - CONTINUE READING BELOW

Bibigyan ng isang linggo si Pastera upang sumuko bago siya ilagay sa "Ten Most Wanted Persons" ng Parañaque.

Makikipag-ugnayan na rin daw ang kampo ni Janelle sa Interpol para madakip si Ramona.

Hihilingin rin daw nila na madaliin na ang pagpapakansela sa pasaporte ni Ramona.

Kusa namang sumama sa mga pulis sina Norwin at Glaiza nang arestuhin kahapon sa kanilang lugar.

Sina Norwin at Glaiza ang mga itinuturong kasama nina Pastera at RJ na umupa ng mga hired killer.

Aminado si Glaiza na may mga hindi pa siya nasabi sa kanyang unang sinumpaang salaysay.

Pero ngayong arestado na siya, ibubunyag na raw niya ang lahat ng kanyang nalalaman sa pagkamatay ni Ramgen.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN