Paano pumuti ang kili-kili gamit ang baking soda?

Isa sa top insecurities ng Pinay ay ang dark underarms.

Ang sarap sanang mag-sleeveless, bilang mainit sa ating tropical country. Pero kailangang magtiis kasi nga, karamihan ay hindi confident itaas ang kanilang mga braso.

Bakit hindi mo i-try ang baking soda?

Though walang scientific proof na nakakaputi ito ng kili-kili, dahil sa "alkaline substance" nito, hindi madidistorbo ang pH level ng balat. Sa halip, may soothing effect pa ito.

Dahil isa ang kili-kili sa pinaka-sensitive na part ng skin, at exposed sa friction, kailangang maging maingat tayo sa mga produktong ginagamit.

Ang baking soda as an exfoliant is gentler and more effective na pang-tanggal ng dead skin cells.

Narito ang mga mixture na kayang-kayang gawin with popular baking leavener as the main ingredient.

Baking Soda + Cornstarch

1. Gumawa ng paste sa pamamagitan ng paghahalo ng isang kutsarang baking soda, isang kutsarang cornstarch, at isang kutsaritang cucumber juice.
2. I-apply ito sa kili-kili, saka patuyuin.
3. Hugasan sa pamamagitan ng malamig na tubig.
4. Gawin ito dalawa hanggang tatlong beses sa isang linggo.

Baking Soda + Coconut Oil

1. Gumawa ng paste sa pamamagitan ng paghahalo ng isang kutsarang baking soda at coconut oil.
2. I-apply ito bilang scrub sa kili-kili, saka ibabad for 15 minutes.
3. Gawin ito dalawa hanggang tatlong beses sa isang linggo.

Baking Soda + Milk

1. Gumawa ng paste sa pamamagitan ng paghahalo ng isang kutsarang baking soda at gatas.
2. I-apply ito bilang scrub sa kili-kili, saka patuyuin.
3. Hugasan sa pamamagitan ng maligamgam na tubig.
4. Gawin ito dalawa hanggang tatlong beses sa isang linggo.

Baking Soda + Lemon Juice

1. Gumawa ng paste sa pamamagitan ng paghahalo ng isang kutsarang baking soda at juice mula sa kalahating lemon.
2. I-massage ito sa kili-kili sa loob ng isang minuto.
3. Patuyuin sa loob ng 20 minuto.
4. Hugasan sa pamamagitan ng malamig na tubig.
5. Gawin ito dalawa hanggang tatlong beses sa isang linggo.

Baking Soda + Water

1. Gumawa ng paste sa pamamagitan ng paghahalo ng dalawang kutsarang baking soda at isang kutsaritang tubig.
2. I-apply ito bilang scrub sa kili-kili sa loob ng isang minuto.
3. Ibabad at patuyuin sa loob ng 25 to 30 minuto.
4. Hugasan sa pamamagitan ng maligamgam na tubig.
5. Gawin ito dalawa hanggang tatlong beses sa isang linggo.

Ang sabi ng ilang netizens na naka-try, makikita raw ang effect after a month. Just make sure you always wear comfortable clothes; magpa-wax instead of shave or pluck; at huwag na huwag kukuskusin nang matindi.