Hindi inirerekomenda ng isang dermatologist-content creator ang home remedies sa pagpapaputi ng dark underarms at singit.
Aniya, “unregulated” daw kasi ang gamit sa mga ito, at baka lalo pang makasama kesa makabuti.
Ito ang naging topic sa YouTube video ni Dr. Alvin John Franciso, a.k.a. Doc Alvin, isang radiologist at social-media personality, nitong February 24, 2025.
Guest niya sa episode ang dermatologist -content creator na si Dr. Irene Gaile Robredo.
Read: Judy Ann Santos amazed by Gladys Reyes's beauty secret: calamansi
CAUSES OF DARK KILI-KILI AND SINGIT
Sa simula ng interview, binanggit ni Dr. Irene na isa sa main concerns ng mga nagiging pasyente niya ay ang dark underarms at groin area.
Ang pagsulpot ng maraming whitening products for underarms ay patunay na may malaking market ito.
Inisa-isa ni Dr. Irene ang main causes base sa kanyang napag-aralan at karanasan ng mga pasyente.
- Genetics – kung ang skin type umano ng tao ay darker, mas prone siya sa pagkakaroon ng darker underarms.
- Injury – pasok daw rito ang trauma na dulot ng plucking at waxing. Aniya, “Ang paghila sa buhok ay nagdudulot ng trauma sa follicle. It can cause post-inflammatory hyperpigmentation o pangingitim.”
- Contact dermatitis – magandang halimbawa nito ay ang paggamit ng deodorants na may harmful ingredients.
- Friction – nagkakaroon nito either sa suot na underwear o ginagamit na product. Ang sabi ng dermatologist, “Ang singit talaga ay more on friction. Sa kili-kili more of deodorant ang nagiging cause. Sa singit, mahigpit na underwear, lalo na pag garterized, araw-araw naglalakad, friction."
- Acanthosis nigricans – isa raw itong kondisyon na nagdudulot ng pangingitim “in body folds and creases” na posibleng dahil sa insulin resistance o mabigat na timbang. Bukod sa kili-kili, nagkakaroon din ng pangingitim sa batok at leeg.
Ipinaliwanag din ng dermatologist kung bakit mahalagang matukoy kung ano ang cause ng pangingitim ng kili-kili.
“Kasi, most often, pag nalaman mo na yung dahilan 'tapos tinigil mo, eventually puputi naman siya, e.”
Ani Dr. Irene, inirerekomenda niya ang gentle exfoliation gamit ang cloth o towel.
“Parang pag nililinis mo, konting gentle exfoliation. But don’t overdo it because it can also cause pangingitim.”
Read: Priscilla Meirelles swears by these anti-aging beauty treatments
HOME REMEDIES, NOT RECOMMENDed
Effective ba ang home remedies gaya ng lemon o calamansi, toothpaste, at baking soda?
“Hindi siya recommended,” giit ng dermatologist.
“Dati nag-try din kami ng mga kalamansi, ganyan, baking soda, hindi siya recommended…
“Kasi, unang-una, hindi mo siya ma-regulate. Parang gaano kadami ang ilalagay mo, anong concentration, tapos hinog ba na kalamansi or hilaw? Alam mo yung mga ganun?”
Bagamat nakapagpapaputi raw ng ngipin ng toothpaste, wala itong ingredient para makapagpaputi ng balat.
“In fact, it can even make it worse kasi it’s irritating, lalo na yung mga toothpaste, may menthol iyan, baka mas ma-irritate pa yung area,” ani Dr. Irene.
“Yung kalamansi, ganundin, kasi acidic siya, e. So while it may have whitening properties, like I said, when you apply something that’s unregulated, unmeasured, hindi mo alam kung mas acidic ba ito kesa sa whitening properties.”
Ganito rin daw sa baking soda dahil wala siyang maisip na “mechanism of action” nito para magpaputi.
DERMATOLOGIST’S PREFERRED TREATMENTS
Ano ang advice niya sa mga pasyente?
“Ako, personally, I don’t start with laser agad kasi, di ba, medyo mahal siya.
“Usually, ang first line ko, give topical muna na lightening creams containing ingredients like tyrosinase inhibitors like arbutin, kojic acid…”
Sabi pa ng doktora, “Actually, you don’t have to go to my clinic kasi may mga lightening lotions and creams naman na puwedeng mabili over the counter, like niacinamide, kojic acid, licorice, arbutin…”
Dagdag niya pa, “Sometimes, mga may konting exfoliants din, pero I’ll be a bit wary about exfoliants.”
Pero kung hindi raw epektibo ang mga pamahid at exfoliants, iminumungkahi na niya ang pagpunta sa isang derma clinic.
“Pag hindi na nagwo-work yung mga pamahid, ibig sabihin nun yung pigmentation, medyo malalim na siya.
“So dun ako nagre-recommend ng in-clinic treatment.
“So puwede tayong mag-chemical peel.
"And pag hindi pa rin nag-work, laser na, kasi ang laser, tina-target niya yung deeper layer of the skin, meaning yung pigment mo, medyo bumaba na siya. Hindi na kayang maabot ng mga ito [topical o exfoliation].”
Aminado si Dr. Irene na nakapagpapaputi sa problem areas ang laser, subalit pricey.
“Unless na talagang nagmamadali ka, meron kang extra budget, I will not push for lasers right away kasi sayang, e.
“Majority naman ng dark underarms, nagre-respond naman to topical.
“Halimbawa, budgeted ka, hindi ka naman nagmamadali, hindi naman importante na maputi agad, puwede kang mag-topical.”
CHOOSING THE RIGHT WHITENINING PRODUCTS
May paalala rin si Dr. Irene sa mga whitening products na binibili.
Sabi niya, “Marami din kasing underarm whitening creams in the market na unregulated.”
Ikinuwento niya na meron siyang naging pasyente na gumamit ng murang underarm whitening cream na ibinibenta sa mga “gilid-gilid.”
“Meron pala siyang steroid, like clobetasol.”
Sa loob daw ng tatlong buwan ay ginamit ito ng pasyente, at nagresulta sa stretchmarks sa kanyang mga braso.
Ang malungkot dito, permanent ang stretchmarks.
Sa paglipas daw ng panahon, pumuputi o nagiging silvery ang stretchmarks para hindi maging halata, subalit hindi na bumabalik sa dati ang kondisyon ng balat.
Paalala ng doktora, maging mapanuri sa mga produktong ibinebenta, lalo na kapag hindi nakasulat sa pakete ang mga ingredients.
Mag-isip daw kapag sobrang mura ng produkto at nangangako ng pagputi in seven days.
Katuwiran ni Dr. Irene, “Kasi kung totoo yun, di sana wala nang maitim ang kili-kili.”
Giit niya, “Bumili muna ng underarm whitening creams sa reputable brands, na naka-disclose ang laman.
“Always start slow,” sabi niya.
Simulan daw ang pagpahid ng topical cream o lotion once every other day hanggang once a day, at kapag nakapag-adjust na ang balat ay puwede nang ipahid twice a day.
Ipinapayo rin niya ang pagdo-document ng progress, tulad ng pagkuha ng larawan before and after using the product.
Hindi naman daw kailangang kunan ng larawan ang problem area araw-araw.
“Sa kakatingin mo sa kili-kili mo araw-araw, hindi mo na alam pag may improvement.”
Lagi raw niyang sinasabihan ang kanyang mga pasyente na kunan ang problem area isang beses sa isang linggo.
“After eight weeks, wala pa rin, ibig sabihin it’s not working, so lipat ka ng iba.”
Ang pinakamahalagang maipapayo raw ni Dr. Irene ay ang pagkonsulta sa doktor.
“It can be intimidating to consult, pero para sa akin, mas okay na simulan nang tama kesa mag-experiment ka, mag-try ka ‘tapos ang daming nagastos, ang daming time na nasayang.
“Better talaga to consult and feeling ko kailangan tama ma-identify kung ano yung cause.”