Gaano ba ka-safe ang rhinoplasty at iba pang cosmetic surgery sa mga libreng medical missions sa mga bayan o barangay?
Gaano ka-experienced ang mga cosmetic surgeons na bahagi nito?
Sinu-sino ang puwedeng mag-avail?
Umani ng atensiyon sa social media ang Facebook post ng Batangas Provincial Hospital noong September 17, 2026.
Kaugnay ito ng pre-operative activity para sa free rhinoplasty, ang surgery na kayang baguhin ang shape, size, at structure ng ilong, at blepharoplasty, ang surgery para matanggal ang excess skin, fat, at muscle sa eyelids o under-eye bags.
“Tatangos na tayo nang libre,” biro ng isang netizen.
May netizens na nag-tag ng mga kaibigan.
Mag mga pumila para masigurong hindi sila mauubusan ng slots.
Meron ding mga nagbabala: Sana raw ay huwag lang pumalya ang surgery.
Sabi pa ng isa, “They are the ones being practiced [on],” patukoy sa mga nag-avail.
Seriously speaking, dapat bang mabahala sa mga ganitong free cosmetic surgery missions?
Ligtas ba?
Read: VIRAL: Netizens donate PHP140K to working student denied of scholarship
COSMETIC SURGERY MISSIONs EXPLAINED
Binigyang-linaw ng isang board-certified cosmetic surgeon kung ano ang nangyayari sa mga libreng surgery missions pati na rin ang kwalipikasyon ng mga medical doctors.
Si Doctor Lieth Momani ay professional cosmetic surgeon na nagtapos sa Philippine Academy of Aesthetic Surgery (PAAS).
“Ang mentors namin diyan, maliban sa they are very hands-on with teaching us, we have surgical missions," pagtukoy niya sa akademya.
"Kami lang ang society na ganoon, meron kaming missions na for cosmetic surgery lang, free…” paliwanag niya sa Think Talk Tea Clips YouTube channel noong August 31, 2026.
“Doon sa mga curious, you can visit the page,” pagtukoy niya sa PAAS Facebook page.
“They post… in Facebook na, if aabangan niyo iyon, puwede. You can sign up there na you would like to do your rhinoplasty for free, free talaga…”
Upon checking, may post nga ang academy kaugnay ng free cosmetic surgical mission sa Lemery, Batangas.
Lumalabas ding venue lamang ang Batangas Provincial Hospital at pwedeng mag-avail ang sinumang may gusto.
Ani Dr. Momani, hindi lang niya tiyak kung libre rin ang medication pagkatapos ng operasyon.
“But everything else is free,” paniniyak niya.
Ang mga ganitong free surgical mission ay katulad ng iba pang free medical services na isinasagawa sa mga local government areas tulad ng libreng dental missions, libreng tuli, at libreng cleft lip at cleft palate surgeries.
“Eto yung way naman namin to give back. At the same time, it’s our way din to learn, to teach the fellows [surgeons].”
May paliwanag din ang PAAS sa post nito kung bakit nagsasagawa ito ng libreng cosmetic surgeries.
Nakasaad dito: "Aesthetic surgery is our area of expertise, and through these missions, we provide procedures o individuals who may otherwise not be able to afford them.
"PAAS shoulders all mission expenses. All necessary misison-related expenses, including surgical instruments, gauze, syringes, and other supplies are fully shouldered by PAAS."
Katulad din ng standard operating procedure, may pipirmahang waiver ang pasyente.
Sa mga may agam-agam pagdating sa safety nito, nag-elaborate si Dr. Momani tungkol sa proseso.
“The good thing with this naman is although gagawa sa iyo is trainees, the residents… they are guided by the senior trainees… at the same time by the main mentors.
“So, binabantayan talaga iyon. So, hindi siya yung, ‘Sige, gawin niyo, libre naman iyan,’ then hayaan na kayo. Hindi ganoon.
“So, tsinitsekan iyon. So, pag may konting problem kino-correct naman ng mentor or the senior.”
Gaano karami ang inooperahan ng trainee?
“Iba-iba,” sagot ng surgeon. “Nung time ko, you can do as many as you want, as long as kaya mong magdala ng patient.”
FROM MEDICAL DOCTOR TO COSMETIC SURGEON
Idinetalye rin ni Dr. Momani ang edukasyon ng isang cosmetic surgeon.
Una, nagsisimula ang lahat sa pagkuha ng four-year pre-med course. Susundan ito ng apat na taon sa med school.
Kasunod nito ay two years na internship bago makapagtapos ng medicine. Susundan ito ng pagkuha ng licensure exam.
Kapag certified doctor na, puwede nang magpatuloy sa pag-aaral upang maging cosmetic surgeon.
Sa kaso ni Dr. Momani, nag-aral siya sa PAAS.
Two years siyang nag-aral ng general surgery at two years ng cosmetic surgery bago nag-take ulit ng licensure exam.
Pagkatapos nito, nagpamiyembro siya sa International College of Surgeons, isang medical society for surgeons.
Sumasali ang mga medical doctors sa mga ganitong society na nagsisilbi ring recommending bodies.
Sine-certify ng mga ito ang malinis na record ng doctor, at puwede rin ditong mag-check ang mga pasyente para matiyak ang sertipikasyon ng kanilang mga doktor.
Pero siyempre, maraming factors para masiguro ang kaligtasan ng pasyente kaya responsibilidad ng sinumang interesado na tanungin ang naging experience nga mga dating pasyente.
Read: Kitty Duterte on Rhinoplasty, Jawtox, Lip Fillers Experience at 19