Nanganak na si Winwyn Marquez, 29, nitong weekend.
Sa kanyang Instagram account, ipinost ni Winwyn ang picture ng kanyang baby girl.
“Our little princess, Luna Teresita Rayn,” tanging caption ng 2017 Reina Hispanoamericana.
December 18, 2021 nang kumpirmahin ng beauty queen-actress ang kanyang pagdadalantao.
Pero tikom ang kanyang bibig sa identity ng kanyang partner.
Sa Bisperas ng Bagong Taon, December 31, 2021, nagkaroon ng baby shower si Winwyn at inanunsiyo na babae ang kanilang magiging anak.
Noong January 29, 2022, sabay na humarap sa camera si Winwyn at ang kanyang partner para sa isang vlog, pero naka-blur ang mukha ng lalaki.
Dito, ipinaliwanag ng lalaki ang dahilan kung bakit ayaw muna niyang ipakita ang kanyang mukha.
Sabi nila ni Winwyn, privacy reasons ang dahilan, pero hindi naman nagtatakip ng mukha ang lalaki kapag namamasyal sila sa labas.
Sa vlog ding ito ay tahasang itinanggi ng lalaki na siya ay “may sabit” at “nagtatago” kung kaya’t ayaw pa niyang isapubliko ang kanyang identity.
“Just for the sake of clarifying, wala akong ibang anak. Wala rin akong ibang asawa o partner.
“There’s certain things lang na still nice to keep private,” paliwanag ng partner ni Winwyn.
Read: Winwyn Marquez's partner reacts to "may sabit," "nagtatago" allegations
Tiniyak din ni Winwyn na sigurado sila sa pagsasama ng kanyang partner ngayon.
Sabi ng aktres, “Sigurado ako. Every day I wake up, ang iniisip ko na sigurado ako sa kanya. Again, it’s a constant choice.”
Sundot ng lalaki, “Sigurado kami. Wala kaming doubts.”