Bumungad sa trans woman na si Kaladkaren—Jervi Li sa totoong buhay—ang isang masayang sorpresa mula sa kanyang fiancé na si Luke Wrightson ngayong araw, August 26, 2022.
Ngayong Biyernes ang ikasampung anibersaryo nila bilang magkasintahan.
Paggising niya, naghanda si Luke ng isang flower at balloon arrangement na may nakasulat na “Happy Anniversary.”
Ibinahagi ito ni Kaladkaren sa kanyang Instragram.
Emosyonal na caption ng TV personality: “Awwww woke up to this!!!! [crying face emojis] Happy 10th anniversary, my love!!!! You are indeed, the love of my life! [heart, rainbow flag emojis] #LoveWins”
View this post on Instagram
Komento naman ni Luke sa kanyang post: “I love you with all of my heart [heart emoji]”
Noong September 9, 2020, inanunsiyo ni Kaladkaren sa kanyang Instagram ang engagement nila ni Luke.
Sabi niya sa kanyang post tungkol sa kanilang engagement: “The man of my dreams asked me to marry him… in our own little balcony.
"It’s OFFICIAL! May… Nagkatuluyan! #Engaged #LoveWins #TransLOVEmatters”
Read: Trans woman impersonator Kaladkaren announces engagement to British boyfriend
THE LOVE STORY
Si Luke ay isang merchant sailor.
Si Kaladkaren ay nakilala dahil sa pag-i-impersonate niya sa ABS-CBN broadcaster na si Karen Davila.
Naging segment host din siya ng ilang ABS-CBN programs, kabilang ang early morning show na Umagang Kay Ganda noon.
Ngayon ay hurado siya sa "Miss Q & A" ng It’s Showtime.
Paano ba nagsimula ang kanilang pag-iibigan ni Luke?
Sa isang YouTube vlog noon, nagkuwento si Kaladkaren tungkol sa relasyon nila ni Luke.
Nagkakilala raw sila sa Hong Kong taong 2012.
Pagbabalik-tanaw niya, “Eight years ago, we met in Hong Kong. And the rest is history.
"Siyempre, nagbakasyon kami together and stuff like that. After ng three months, dumiretso na siya ng Pilipinas.”
Ipinakilala na raw niya ang nobyo sa kanyang pamilya.
Dagdag niya, “Sabi ko kasi sa kanya, 'Ipapakilala kita sa parents ko.'
"‘Tapos naloka siya. Pagdating namin doon [sa restaurant] yung buong barangay nandun. Kasi nandun yung mga pinsan ko, mga tito at tita ko, mga lolo’t lola ko.”
Sinegundahan ni Luke ang kuwento ng kanyang fiancée.
Mismong siya raw ay nagulat dahil dinala ni Kaladkaren ang buong pamilya nito.
Kuwento pa ni Luke, “When I met your family, I just thought it was just your mom, dad, and brother.
“And then, ‘Oh, my cousins are coming, grandad is coming, so and so is coming.’ And then I really realize that Filipinos are bringing all their family to this event.
“So we had, like, one small table booked at this seafood restaurant and then it turned into, like, we have nearly the entire top floor of this place full of your family.”