Trending topic ngayong Huwebes, November 10, 2022, ang “Congrats Doc” sa Twitter.
Ito ay dahil kanya-kanyang post sa social media ang ilang bagong doctors matapos makapasa sa board exam.
Inilabas kanina ng Professional Regulation Commission (PRC) ang resulta ng October 2022 Physician Licensure Examination (PLE), kung saan pumasa ang 3,826 mula sa 5,958 examinees.
"MA DOCTOR NA AKO"
Parang eksena sa pelikula ang short video clip na ipinost ni Justin Mandi Beligolo from Silliman University.
Mapapanood na taimtim na nakatutok si Justin sa computer screen katabi ang ina.
Halatang hinahanap ni Justin ang pangalan sa listahan.
Makalipas ang ilang segundo, napasigaw siya nang malakas, napatayo sa kinauupuan at niyakap ang ina.
Nagsisisigaw rin sa tuwa ang mga kasama niya sa bahay.
“MA DOCTOR NAKO” tweet ni Justin.
Excited naman si Robert Gonzales na mag-give back sa community ngayong doktor na siya.
Tweet niya, “Finally, a Licensed Medical Doctor!!! Time to give back more and more to others.
“As this chapter closes, here comes a new beginning.
“Taking the next year/s off before I enter residency and I’ll be focusing on teaching in the academe, indefinitely.”
Emosyonal pero masaya naman si Christine Lo na isa rin sa topnotchers.
Tweet ni Christine: “HUHUHUHU DI PA RIN NAGSISINK IN
“DI KO INEXPECT MAGTOTOP AKO NG BOARDS LIKE WTH ?!?!?!
“Lord iba ka talaga huhu”
Biro naman ni Darenn Bacud: “Your Killjoy main is now a licensed MD! Thank you, Lord!”
“LICENSED TO HEAL” ang witty tweet ni Victor Villegas.
TOP 1 AMONG BOARD PASSERS
Samantala, nanguna sa board exam ang Ilonggo na si Justin Adriel Togonon na nakakuha ng 89 % average.
Si Justin, 25, ay graduate mula sa University of the Philippines – Manila.
Siya ay former class valedictorian sa Philippine Science High school – Western Visayas Campus.
To all the new doctors, congratulations!