Hinding-hindi malilimutan ng isang couple sa Batangas ang kanilang wedding day, pero hindi dahil sa masaya ito kundi mistulang naging bangungot.
Hangarin ng dalawang taong nagmamahalan na maging espesyal ang araw ng kanilang pag-iisang dibdib. Kaya nga pinaghandaan at pinagkagastusan ito.
Pero kabaliktaran ang naranasan nina Dianne Agustin at Rommel Abucejo ng Lemery, Batangas.
Ikinasal sila noong January 25, 2025.
Ang sumira sa ganda ng araw: hindi raw tinupad ng wedding coordinator ang kanilang napagkasunduan.
Sa garden wedding, walang mga upuan para sa mga bisita; wala ang usual floral decors.
Hindi rin dumating sa oras ang catering.
Sabi ng bride na si Dianne sa interview, “sobrang stressed" ang kanilang mga magulang.
“Kita ko sa mukha nila sobrang lungkot, sobrang hopeless, at sobrang galit na talaga nila,” ani Dianne sa ulat ni Mark Salazar para sa 24 Oras, February 3, 2025.
Nang magtungo kasi sa reception area, wala raw halos kaayos-ayos ang venue at di mo aakalaing may kasal.
Sabi pa ni Dianne, wala raw set-up ng registration, wala ang pinag-usapang photo booth, at hindi sumipot ang free coffee bar para sa mga bisita.
Pahayag ng bride: "Sobrang boring, sobrang plain ng reception talaga. Yung tipo talagang ano na lang, 'Sige, basta eto na, okay na ang ganitong design...'"
Hindi rin daw nagpakita ang wedding coordinator.
“Nakikita ko rin yung mga itsura ng mga guest namin na gutom na gutom na at pagod na,” himutok ni Dianne.
“Ang ibang guest pa nga, nagpaalam na sa amin na uuwi na sila kahit hindi pa sila talaga nakakakain.”
Dumating at naayos daw ang pagkain bandang alas diyes na ng gabi. Wala na raw ang mga bisita.
“Sobrang heavy ng heart namin ng husband ko to witness this disastrous event talaga, sa mismong araw pa ng kasal namin.”
Araw raw mismo ng kasal, nag-message ang wedding coordinator at sinabing nasa emergency room daw ito dahil tatlong araw na raw tinatrangkaso.
Subalit hindi raw naniniwala ang newlyweds.
Pahayag naman ng groom, nakipag-ugnayan na sila sa abogado para sa susunod nilang legal steps.
Read: Bride's mom allegedly halts wedding after groom arrives drunk
Read: Woman marries ex-BF who suffers amnesia, forgets about breakup
THE BRIDE ABOUT LESSON LEARNED AND TAKE TWO OF THE WEDDING
Nakipag-ugnayan ang PEP.ph (Philippine Entertainment Portal) kay Dianne via direct messaging sa Facebook.
Nitong February 5, 2025, nagbigay siya ng update.
Hindi pa raw natutunton ang wedding coordinator na kanilang kausap.
“As of now, we have no trace of her whereabouts aside sa office addresses nila na nakalagay sa kontrata namin.
“Unfortunately, too, sarado na rin offices nila located in Antipolo.
“Currently, nag-file na po kami ng blotter against her sa isang barangay ng Lemery, Batangas, where our wedding took place.
“We are now taking necessary legal steps to expedite yung kaso.”
Read: South Korea district offers P2.9M to couples who will get married
Aminado si Dianne na malalim ang sugat na iniwan ng pangyayari sa kanilang mag-asawa.
Pero may dumating na blessings: Uulitin nila ang kanilang wedding vows.
Meron kasing suppliers na sasalo ng ibang wedding supplies nang libre.
Ani Dianne, “Honestly, we are still in the process of healing from the trauma na binigay nila sa ‘min.
“But with grateful hearts from generous suppliers who offer free remake of the wedding for us, we decided to have a take 2 of our ceremony.”
Masalimuot man ang karanasan, may biyayang dumating sa couple.
Kaya si Dianne, nananatiling optimistic sa kabila ng di kanais-nais na karanasan.
Ito raw ang kanyang napagtanto, “Una, always trust and love the Lord with all your heart, mind, and soul. Men fail us but the God of love never will.
“Pangalawa, never trust ‘too good to be true’ offers anymore.
"Pangatlo, when things are already beyond our control, we let God move in the midst of us.”
Ganito rin ang buod ng Facebook post ni Dianne nitong February 4, 2025.
Inilarawan niya ang kanilang kasal sa tatlong salita: “A Beautiful Mess.”
Sa kabila nito, nagpapasalamat siya sa mga taong nagmamahal at tumulong sa kanila para mangyari at matuloy pa rin ang kasal.
Bahagi ng post ng bride (published as is): “We're deeply grateful. My only prayer before our big day is to serve this most memorable day as a platform for God's glory be known to those who have yet to believe in Him. Voila! My husband and I couldn't imagine and comprehend what happened and is happening now.
“Our hearts are full and overwhelmed, yet we are truly grateful to those who extended their help and support to us.”
Inusisa ng PEP si Dianne kung kailan mangyayari ang take two ng kanilang kasal.
Sagot niya: “We're planning to take it sometime in June…”
