Summa cum laude si BB Gandanghari!
Sa edad 57, natapos niya ang kursong Bachelor of Science in Entertainment Business sa Los Angeles Film School, Hollywood, California, USA.
Nagmartsa siya kasama ang mga kapwa Class 25 graduates noong Biyernes, Hulyo 11, 2025.
Sa Instagram, nag-post siya ng tatlong videos.
Noong Biyernes, July 11, nag-"unwrap" siya ng kanyang toga.
Saad niya sa caption: "Life is about second chances… It’s about new opportunities for growth, forgiveness and new beginnings...so help me God."
Read: BINI sparks buzz over dislike for Betamax, hopiang baboy
View this post on Instagram
Kahapon, nag-post siya ng video na kuha mismo sa graduation venue.
Bahagi ng sinabi niya: "I am a proud wearer of my Summa Cum Laude cord. This is my medal.
"Thank you so much sa lahat ng mga nagko-congratulate.
"And, actually, I hope this will also serve as an inspiration to all…"
Ito ang kanyang "second degree."
Sabi ni BB: "The only reason why I took another course is because I felt like my first degree was forty years ago...I felt obsolete."
Natapos ni BB ang unang kurso—Economics—sa St.Louis University, Baguio City, noong Rustom Padilla pa ang kanyang katauhan at hindi pa siya pumapasok sa showbiz.
Sa panayam niya sa Fast Talk with Boy Abunda noong Enero 14, 2025, sinabi niya ang pangarap na maging creative producer o creative director.
"Part iyon ng sinasabi kong mahirap sa transition because when I started transitioning, yung potensiyal ni Rustom, wala na lahat iyon."
Read: Irene Celebre "kilig na kilig" about getting engaged at 67
BB GANDANGHARI ON LATIN HONORS AND AWARDS
Ang latest video ay kuha mula sa official YouTube channel ng Los Angeles Film School, isang "for-profit college" na itinatag noong 1999.
Ang clip ni BB ay nagsimula sa pagtawag ng kanyang pangalan at pagbanggit sa kanyang kurso at distinction.
Saad niya sa caption: "Being Summa Cum Laude…is not without hardwork, discipline, perseverance and determination.
"As much as I am proud of this achievement, I am also proud as a working student of having a perfect attendance and never late in my classes during the entire course."
Ang isa pang good news ng dating aktor: "I am also awarded as Student of the Month and a member of the Honor Society of Los Angeles."
Ang tuition fee rito ay base sa mode (campus or online) at student type (domestic or international).
Ang range ng fees, ayon sa website, ay mula USD31,200 (PHP1.76M) hanggang USD97,250 (PHP5.5.M) for eight semesters.
Ang campus program para sa course ni BB ay nasa USD64,400 (PHP3.5M).
View this post on Instagram