Viral ang post ng netizen na si Liezel Joy sa Facebook noong April 3, 2020.
Pumatok sa mga nakabasa nito ang magandang experience niya pagbalik sa South Korea galing ng Pilipinas noong April 1.
Kuwento niya sa post (published as is), “What an amazing country!!! (two hearts, praying hands emojis)
“I got back here from the Philippines last April 1st.
“The local health center called me to check if I am okay and informing me about my Self Diagnosis App to track me everyday and my 14days isolation instructions as well.
“I got my Covid-19 test result yesterday and it was negative.”
Kasunod nito, may sorpresa daw na naghihintay sa kanya sa tinutuluyan niyang bahay sa Ulsan, South Korea.
Sabi ni Liezel, “After 30mins of call the doorbell rang and I got this in my front door.
“Thank you so much Korea for taking care of your citizens and even to foreigners.
“May pa love letter pa! (face throwing kiss, praying hands emojis)
“Special thanks to Ulsan Government and to all those who are working so hard this time!
“Sogohaessoyo! Kamsahamnida! (heart eyes, face throwing kiss, two hearts emojis) "#JobwellDone
"#Korea (Korean flag)
"#Kamsahamnida
"#SanaAll"
Napakaraming de lata, noodles, cooking essentials, tubig, bigas at iba pang pantawid-gutom ang "sorpresa."
Sa ngayon, umabot na sa 57,000 likes at 25,000 shares ang post na ito ni Liezel Joy.
KOREAN COMFORT PACKAGE
Sa pamamagitan ng Facebook messaging, nakausap ng PEP.ph (Philippine Entertainment Portal) si Liezel kagabi, April 6.
Nagpakilala siyang bilang si Liezel Joy Abaño, 29, isang English teacher na nagtatrabaho sa siyudad ng Ulsan, South Korea.
Limang taon na siyang teacher doon.
Ang Ulsan ang ika-pitong pinakamalaking siyudad sa South Korea, at may populasyong humigit kumulang sa 1.1 milyong katao.
Si Liezel ay mula sa bayan ng Liloan sa Cebu Province.
Inusisa namin siya tungkol sa ipinost niyang ibinigay ng gobyerno ng Ulsan.
Kuwento niya, “Yes po, iyon ay tinatawag na Korean Comfort Package.
“This is how they treat anyone who is arriving from overseas.”
Lahat daw, kahit hindi citizens ng South Korea, ay may ganitong pasalubong galing sa gobyerno kapag nakabalik ito sa kanilang bansa.
Dagdag pa ni Liezel, “Yes, lahat po galing overseas.
“Wala silang pili. Lahat ng medical supplies, test kits, freeeee.
“Hatid pa kami sa bahay limousine bus for free.”
Sa tanong kung magkano sa tingin niya ang halaga ng lahat ng natanggap niyang grocery items, medical supplies, test kit, at iba pang essentials.
Estimate daw ni Liezel, “Mga nasa more or less P12K pesos ata.”