Hindi inakala ni John Lorenzo Javier, mas kilala bilang JL, 26, na masusungkit niya ang first prize sa Professional One Shot – Our Times, New Normal category ng International Photography Awards (IPA) sa Los Angeles, California.
Nakapag-uwi si JL ng US$500 (PHP 24985.25) premyo bilang category winner sa nasabing kumpetisyon. Siya rin ay makakatanggap ng dalawang tickets sa prestihiyosong Lucie Awards Gala sa New York Cit.
Si JL, tubong Pangasinan, ang kauna-unahang Filipino na nanalo sa IPA.
Manila-based na siya ngayon at nagtatrabaho bilang photographer ng CNN Philippines Life.
THE WINNING ENTRY
Sa panayam kay JL ng PIO Asingan, sinabi niyang gulat na gulat siya at hindi niya inaasahang mananalo sa nasabing paligsahan.
Pagbabahagi niya, “Hindi po talaga ako sumasali sa mga competition kasi never ko naman inisip na mananalo ako.
“Nagbakasakali nga lang ako for this particular competition."
Ang winning entry ni JL na may title na "Aquarium" ay kuha niya sa isang tindera sa Zapote Public Market sa Las Piñas City noong March 29, 2020.
Sa larawan ay naglagay ng barrier sa puwesto nito ang tindera bilang paalala sa mga mamimili na kailangang sundin ang social distancing para maiwasan ang paglaganap ng COVID-19.
Paliwanag ni JL sa konsepto ng kanyang winning shot sa panayam naman sa kanya ng CNN Philippines, "I was actually pleasantly surprised to see how all the market vendors had used these plastic sheets to make makeshift barriers complete with handwritten instructions and notices as an additional safety measure."
Dagdag pa niya, "I feel incredibly lucky that I was at the right place at
the right moment to capture it."I think the photo speaks of the smart improvisations Filipinos have come up with in the quarantine to adjust to shifting safety protocols, and of course, the hard, tireless work that essential workers have had to put in throughout the pandemic."
MAGKUWENTO SA PAMAMAGITAN NG LARAWAN
Payo ni JL sa mga nangangarap maging photographer, "Kahit ano pong camera, puwede pong maging tool para matuto.
“Pero yung pinakamahalaga po kasi talaga, yung maikuwento po yung gusto niyo pong sabihin through the picture.”
Paliwanag pa niya, “I think lahat tayo may capability na pong mag-shoot... na mag-take ng picture, mag-explore kung ano pa po ang pwede natin gawin with our camera phone.
“It really takes a lot of time and a lot of practice."