Salamat sa pagiging madiskarte, nakamit ni Anne Relente ang kanyang minimithi: ang makapagtapos ng kolehiyo.
Bukod sa pagbebenta ng sariling tie-dyed garments, pinasok din ni Anne ang pagiging labandera, part-time artist, at student assistant para kumita at mairaos ang pag-aaral.
Noong November 12, 2021, ipinost ni Anne sa kanyang Facebook account na natupad na niya ang kanyang pangarap.
Kalakip ng post ang kanyang graduation picture, at kasama rin ang photos ng pagtitinda niya sa kalsada ng kanyang produktong garments.
Nagtapos siya ng kursong Bachelor of Science in Electronics and Communication Engineering mula sa Pamantasan ng Cabuyao sa Laguna.
Naging iskolar siya sa pamamagitan ng Tulong Dulong Scholarship, ang Grants-in-Aid program ng Commission on Higher Education para matulungan ang college students.
Inisa-isa rin ni Anne kung ano ang mga ginawa at pinasok niya para maitaguyod ang kanyang edukasyon na hindi umaasa sa iba.
Paglahad niya sa kanyang post (published as is), "Part time Portraiture Artist, Nag Part time Student Assistant, Nag Sideline sa Lazada para may pang bili ng brandew Scientific Calculator, Nag side line labandera."
Proud din si Anne na hindi siya umasa sa mga magulang.
Sa halip ay sinuportahan niya ang sarili sa pamamagitan ng kanyang negosyong tie-dye garments, na pinangalanan niyang Dapit-Hapon.
Aniya, “Hindi humingi sa magulang ng pang thesis at mga pang gastos kasi may established business na Dapit-Hapon.”
Nag-iwan rin siya ng payo sa mga kabataan na huwag balewalain ang pag-aaral.
Mensahe ni Anne (published as is), “Being able to finish college is a privilege, and I would like to leave a piece of advice to some kids out there.
“Do not take your study for granted (specially if somebody sacrificed to provide your financial needs), collect great experiences and learn from those.
“Do not be afraid to try, learn from your mistakes and strive for excellence. The whole universe will conspire and meet you there.”
Pinasalamatan din ni Anne ang kanyang mga mahal sa buhay na nagsakripisyo at tumulong sa kanyang abutin ang pangarap.
