Animo’y nakakuha ng Most Valuable Player award ang Pinoy pencil-and-charcoal artist na si Christian Oliver Talampas, 39.
Ang NBA legend na si Michael Jordan lang naman kasi ang personal na nag-autograph sa likhang sining ni Christian.
Lumikha kasi si Christian ng charcoal sketch ng iconic last shot ni Michael.
Umabot sa 72 days o 620 hours ang ginugol ni Christian para matapos ang kanyang artwork.
Sa paghahangad na mapansin siya ng tinaguriang greatest basketball player of all time, lumikha ng TikTok video si Christian noong July 2021.
Sa video, isinulat ni Christian ang kanyang mensahe para tulungan siya ng netizens na iparating kay Michael ang kanyang hiling.
Ngayon ngang January 2022, nakamit ni Christian ang kanyang hinahangad mula pagkabata.
Naibalik na sa kanya ang kanyang original sketch na pirmado ng former Chicago Bulls player.
Ani Christian sa ulat ni Oscar Oida sa 24 Oras noong Huwebes, January 27, 2022, “Ang hirap paniwalaan. Ang ine-expect ko man lang picture na hawak niya [ang artwork ko].
“Pero sobra-sobra ang binigay niya dahil sabi nila parang makakatulong ito sa career ko as an artist.”
Ibinahagi ni Christian ang larawan mismo ni Michael habang pinipirmahan ang kanyang artwork.
Sa package, may kasama itong T-shirt at saka playing cards na ginamit mismo ni Michael.
Sa Joker card ng playing cards, mababasa ang message ni Michael: “Christian enjoy this deck of cards played at MJ’s Grove XXIII.”
Ang The Grove XXIII ay ang exclusive golf course ni Michael sa Florida, USA.
May iniwan ding note si Michael nang ibalik ang sketch ni Christian.
Sabi ni Michael, ibinabalik niya ang original copy ni Christian at ang kinuha niya ay ang kopya.
Labis daw ang naramdamang tuwa ni Michael sa gawa ni Christian.
Christian Oliver Talampas' artwork of Michael Jordan's iconic last shot.
NBA Legend Michael Jordan's autograph on Christian's artwork.
Pero paano nga ba nakarating kay Michael ang request ni Christian?
Ayon sa ulat ng 24 Oras, napansin ng isang collector sa States na si Bryan Apocada ang nag-viral na request ni Christian via TikTok, at agad itong nakipag-ugnayan sa kampo ni Michael.
Paliwanag ni Bryan, napabilib si Michael sa obra ni Christian.
Ani Bryan: “He [Michael] was impressed with the amount of time and the passion he put into it.”
Sabi naman ng Pinoy collector na si Big Boy Cheng, big deal ang signed artwork ni Christian, "Bihira pumirma si Michael Jordan.”
Ang pirma kasi si Michael ngayon ay nasa isang sapatos at may value itong $15,000 o PHP765,000.
Samantala, nagbigay ng kumpiyansa kay Christian ang pangyayaring ito sa kanyang buhay.
Payo niya: “Wag mawawalan ng pag-asa, na magtiwala sa sarili, kahit wala nang naniniwala.”
CHRISTIAN’S DREAM IS 30 YEARS IN THE MAKING
Sa kanyang Instagram account, ipinost ni Christian kung paano nagsimula ang paghanga niya sa iniidolong si Michael.
Bata pa lamang daw siya, hinangad na niyang maging katulad si Michael.
Post ni Christian (published as is): “Way back in 1990 I was 8 when I first saw Michael Jordan on tv. I started to like him, adored him and became a solid Fan.
“Not like other kids who dreamed of becoming an Engineer, doctor, scientist, soldier etc. I wanted to be like Mike! and that dream became a Goal.”
Mula raw noon, hinangad ni Christian na magkaroon ng “small connection” sa paboritong NBA player.
“I made myself good at everything I wish to do hoping that one day I can use one of my skills/talent to finally get the chance that I’m longing for.
“And now I’m 39, finally! My Dream and Goal came true, my hard-work and being persistent paid off I made it! I Finally MADE IT!!”
Ipinagmamalaki ni Christian na hindi niya sinukuan ang kanyang pangarap.
Nagpasalamat siya sa mga tumulong sa kanya na tuparin ang kanyang lifelong dream.
