Nag-uwi ng mga parangal ang apat na Pinoy students na lumahok sa 54th International Chemistry Olympiad (IChO) sa Tianjin, China noong July 10-18, 2022.
Napagwagihan nina Aames Juriel Morales ng De La Salle University Integrated Senior High School (DLSU Integrated SHS) at Ron Angelo Gelacio ng Philippine Science High School (PSHS) - Main Campus ang bronze medal.
Parehong honorable mentions naman ang nakuha nina Lemuel Acosta ng PSHS-Central Luzon Campus at Anne Maricar Maralit ng PSHS-Main Campus.
Ang kumpetisyon ay nilahukan ng mga estudyante mula sa 84 countries.
Ang IChO ay isang annual competition para sa mga pinakamahuhusay na chemistry students.
Kada taon, bawat bansa ay nagpapadala ng team na binubuo ng apat na miyembro.
Nakipagpaligsahan ang mga Pinoy students sa ibang kalahok sa loob ng limang oras para sa practical laboratory, at limang oras din sa written theoretical examination.
Ang mga kinatawan ng Pilipinas sa IChO ay pinili bilang official representatives ng ating bansa matapos magwagi ng gintong medalya sa ginanap na 21st Philippine National Chemistry Olympiad noong March 12, 2022.
Noong isang taon ay naging kinatawan na ng Pilipinas sina Morales at Gelacio sa ginanap na IChO sa Japan.
Nakapag-uwi noon si Morales ng bronze, habang silver medalist naman si Gelacio.