Sa edad na five years old, kampeon na si Aleia Aielle Aguilar sa international Jiu-Jitsu competition.
Siya na ang itinuturing na pinakabatang Pinoy world champ sa self-defence martial art and combat sport na kilala sa "grappling, ground fighting, at submission holds."
Hindi naman kataka-taka ito dahil anak siya ni Alvin Aguilar, ang pioneer ng Jiu-Jitsu sa Pilipinas at first-ever Brazilian Jiu-Jitsu black belt at medalist sa international competitions.
Ang ina ni Aleia ay si Maybelline Masuda, isang Pinay Jiu-Jitsu gold medalist.
Si Aleia ay nanguna sa 2022 Abu Dhabi World Professional Jiu-Jitsu Championships noong weekend.
Dinaig pa nga ni Aleia ang kanyang ama na nagsimulang mag-training sa nasabing sport at the age of nine.
Tinalo ni Aleia si Gabriela Vercosa ng Brazil sa kids’ 1 Under-16-kilogram event category na ginanap sa Jiu-Jitsu Arena sa Abu Dhabi, U.A.E.
PROUD PARENTS OF ALEIA
Sambit ni Alvin sa Instagram post, president at founder ng Universal Reality Combat Championship (URCC), “I’m beyond happy that my baby girl is now the Philippines’ youngest world champion.”
Ang URCC ang longest-running mixed-martial arts promotional company sa Pilipinas.
Si Alvin rin ang kasalukuyang presidente ng Wrestling Association of the Philippines.
Aniya pa tungkol kay Aleia, sa murang edad nito ay nagpapakita na ito ng disiplina at determinasyon.
“We are so all proud of you. Even at such young age you are already so organized and hardworking in everything you do.
“From academics to sports, you always excel because you always work hard.
“I remember when you were two years old and you said you wanted to be the greatest.”
Si Aleia ay anak ni Alvin sa partner nitong si Maybelline Masuda, na siyang first-ever Filipino Jiu-jitsu World Champion noong 2009.
Si Maybelline ang nagbigay sa Pilipinas ng kauna-unahan nitong medalyang ginto sa 2014 Asian Beach Games.
Nagkuwento si Maybelline tungkol sa pakikipagkumpitensiya ng kanyang anak.
“I was more nervous watching her compete than I’ve ever felt when I compete myself.
“I couldn’t sleep the night before, but we pulled through and she got what we came here for.”
Wala pa nga raw muwang si Aleia ay ipinamulat na sa kanya ang Jiu-Jitsu.
“She was born into jiu-jitsu. I was bringing her with me to training after giving birth to her when she was as young as three weeks old.
“Every training day, competition day, she grew up with Jiu-jitsu in her life and it eventually became her dream to compete.”
Dugtong pa ni Alvin, “We will continue to work hard to bring honor to our country.”