Doble ang effort na ginawa ni Anthony Mark Emocling para makapasa sa 2022 Bar Exam.
Si Anthony, na nagtapos sa University of Baguio bilang cum laude, ang kauna-unahang bulag na nakapasa sa bar exam.
“Yung regular students nahihirapan na [sa pagkuha ng law degree], how much more in my situation,” kuwento ni Anthony sa interview ng Bombo Radyo Baguio.
“Yung time na ginagawa ng normal student, ginagawa ko at least twice the time para sumabay.”
Read:
- University of Baguio’s Anthony Mark Emocling becomes first blind passer of bar exam
- Ar-rashid Taradji, mula sa pamilya ng nurse at doktor, top 14 sa bar exam
- Beauty queens, siblings, police officer, licensed professionals among 2022 Bar Exam passers
Dahil wala siyang paningin, aminado si Anthony na para siyang dumaan sa butas ng karayom, subalit hindi ito naging dahilan para isuko ang pangarap na maging lawyer.
“Pinaglaban ko pa rin maski na maraming challenges and sobrang hirap sa law school and up to the bar exam,” sabi niya.
“Talagang you need to sacrifice. A lot of prayers, a lot of sacrifice [para] makapag-aral ng law and graduate.”
Sa murang edad ay nawalan ng paningin si Anthony. “Since I was 10 years old, nagkaroon ako ng retinal detachment," aniya.
“I had several operations, pero hindi siya naging successful kaya naging totally blind ako from the age of 10.”
Si Anthony Mark Emocling kasama ang kanyang former professor at Narvacan, Ilocos Sur Mayor Pablito V. Sanidad Sr., na bar topnotcher din noong 1967
Malalim ang dahilan ni Anthony kaya ginusto niyang maging abogado.
Nais niyang maging boses para sa mga katulad niyang persons with disabilities (PWD).
“Gusto ko din sanang mag-practice ng human rights, for the rights of persons with disabilities.
“Kasi we are one of the marginalized sector[s] in the country.
“Nung naging visually impaired ako, there are a lot of challenges.
“And if I will be able to pass the exam [at] maging lawyer, my voice is stronger to advocate for a better future for fellow persons with disabilities.”
Ano ang susunod niyang hakbang ngayong isa na siyang ganap na abogado?
“Wala pa akong plans, pero hopefully I want to be engaged to public service din… to human rights and to apply my law degree to help other people.”