Bumilib ang netizens sa isang Singaporean exchange student sa Oxford University sa United Kingdom dahil bumati ito sa 11 languages, kabilang ang Tagalog.
Ang mas nakakabilib pa, maraming netizens ang nagkomento na “perfect” at “superb” ang accent ng estudyante nang magsalita sa iba’t ibang languages.
Dahil dito, ang TikTok video ng student ay umani na ng higit two million views.
Ipinost ng content creator na si Oliver sa Tiktok account niyang Oliver’s Oxford ang video noong April 28, 2023.
Si Oliver ay madalas mag-interview ng Oxford students.
Read:
Pinay gets highest honors for Master’s degree at University of Oxford
THE POLYGLOT SINGAPOREAN STUDENT
Sa video, nagpakilala ang student bilang si Cody Brody na nag-aaral ng Psychology and Linguistics sa St. Catherine’s, isang college sa Oxford University.
Tinanong ng content creator si Cody kung ilang languages ang alam niya para bumati ng, “Hello.”
Sagot ni Cody: “I mean, I speak 11 [languages], but…”
Ibig sabihin, si Cody ay isang polyglot o nakakapagsalita ng maraming languages.
Inisa-isa ni Cody ang pagbati sa English, Mandarin Chinese, Hokkien Chinese, Spanish, at Portuguese.
Kapansin-pansin inaakma rin niya ang accent sa bawat lengguwaheng sinasabi niya.
“Tagalog, kumusta ka,” sabi ni Cody nang umabot sa Tagalog, na tama rin pati ang accent.
Bumati rin siya sa Thai, Malay,Tamil, Vietnamese, at Italian.
Maraming netizens ang nagkomento at bumilib kay Cody.
Pinuri ang estudyante na bukod sa language ay “perfect” daw ang kanyang accent sa Thai, Tagalog, at Tamil.
Narito ang ilang comments:
HOW CODY LEARNED 11 LANGUAGES
Tinanong si Cody kung paano siya natuto ng iba’t ibang languages.
“It started with a hobby when I was in secondary school, and then evolved into an obsession,” sagot niya.
“I started translating for non-governmental organizations back home in Singapore.
“And it kind of made me see that there was a big point to learning these languages, like there was a practical use for them.
“And I think it sort of evolved into this interest on how languages are related, how we learn from them, and yeah, things of the sort.”
Nang hingan ng payo para sa mga nais matuto ng ibang lengguwahe, sabi ni Cody: “Try and expose yourself as much as you can [to different languages].”
WHO IS CODY BRODY?
Samantala, dahil sa biglang pag-viral ni Cody, maraming netizens ang hinanap siya.
Ang actual name daw niya ay “Fine,” pero puwede rin siyang tawaging Cody Brody.
Bagamat may TikTok account si Fine ay hindi siya ganoon ka-aktibo.
Lumikha na rin siya ng Instagram account kasunod ng instantly acquired fame niya.
Nag-iisa pa lang ang kanyang post na ginawa niya sa pagbubukas ng week na ito.
Sa isang Insta video ay nagpasalamat siya sa mga sumuporta sa kanya, at bukas siya sa suggestions kung ano ang magiging content niya.
Kagagawa pa lang ng kanyang Instagram pero mayroon na siya ngayong 2,600 followers.
Inusisa si Fine/Cody kung paano siya nakapasa sa interview ng Oxford.
Sabi niya, “I just kind of showed how interested I was in languages.”
Pagbabalik-tanaw niya nung ma-interview raw siya, ihinambing niya ang language sa sayaw.
Sundot na tanong daw sa kanya: sa tingin ba niya ay sayaw ang language?
Sabi ni Fine: “And I know what they were trying to get at. They were trying to think of a formal structure within linguistics.
“I just kind of talked about how you dance… you can definitely convey information, but it doesn’t have any formal structure or any recursive structure where you could very clearly say that there’s anything within dance that is explicitly mirroring structures of language."