Isa ang 10-year-old na si Kiefer Maverick Pasion, Grade V student ng Nabua Central Pilot School sa Camarines Sur, sa nakasungkit ng gintong medalya sa ginanap na online Guangdong-Hong Kong-Macao Greater Bay Area Mathematical Olympiad (Big Bay Bei) last March 25, 2024.
Dahil sa kanyang panalo, kuwalipikado na si Kiefer para lumaban sa gaganaping Battle of the Gold of the World International Math Olympiad sa Shenzhen, China, sa January 2025.
Ang higit na nakakahanga sa batang math wizard ay madalas mag-hang ang screen ng ginamit niyang gadget dahil sa mahinang internet connection.
Ito ay ayon sa ulat ni Gladys Serafica ng Philippine News Agency ngayong April 4, 2024.
Nang tanungin kung paano niya na-survive ang napakahirap na 90-minute online math competition, inamin ni Kiefer na may pagkakataong naisip niyang wala na siyang tsansang manalo.
Pero determinado siyang manalo, at na-quote pa niya ang Hollywood actress na si Audrey Hepburn, “Nothing is impossible; the word itself says I'm possible.”
Read: Lady starts saving at age 19; buys apartment at 23; has PHP12M in the bank at 25
THE MOMENT Kiefer Pasion DISCOVERED LOVE FOR NUMBERS
Nagsimula ang hilig ni Kiefer sa mga numero noong kindergarten pa lang siya.
Aniya, "I usually find it fun when I discover difficult questions that really challenge my brain into finding out how to answer them."
Nagsimula siyang lumahok sa mga math competitions pagsapit niya ng Grade 3.
MEDALS KIEFER PASION WON AT MATH CONTESTS
Una siyang nakasungkit ng bronze medal noong April 2022 sa Heat Round ng ginanap na Philippine International Mathematical Olympiad.
Sa Heat Round ay tinutukoy sa mga kalahok kung sino sa mga ito ang puwedeng makaabante sa final round ng international math competition.
October 2022 ay nanalo rin siya ng bronze medal sa American Mathematics Olympiad at silver medal sa Heat Round ng Thailand International Mathematical Olympiad.
Pagsapit ng November 2022, nasungkit niya ang silver medal sa Heat Round ng Hong Kong International Science Olympiad, at naiuwi naman ang bronze medal sa Heat Round ng Guangdong-Hong Kong-Macao Greater Bay Area (Big Bay Bei) noong December 2022.
Noong 2023, nakakolekta pa si Kiefer ng 13 medalya sa iba’t ibang national and international mathematical competitions.
Sasalang naman siya sa gaganaping annual Philippine Mathematical Olympiad sa April 14; gayundin sa Final Round ng Thailand International Mathematical Olympiad sa April 28; sa Hong Kong International Mathematical Olympiad sa May 26.
Read: Ganesh Baraiya defies discrimination, rises to become the world's shortest doctor
KIEFER'S BACKGROUND AND INTERESTS
Si Kiefer ang bunso sa tatlong magkakapatid. Ang kanyang ama ay isang tricycle driver at ang kanyang ina ay plain housewife.
Ang kanyang ate na si Russle Joy, isang civil engineer, ang humasa sa kanyang husay sa math.
Kuwento ni Kiefer, "In my free time, my siblings, especially my sister, would help me solve practice problems at home.
“When she's busy with work, I review on my own and look for more practice problems to widen my knowledge."
Malaking factor din aniya sa kanyang math skills ang kanyang NCPS coach na si Melvin Federis.
Read: Pasaway na estudyante noon, teacher na ngayon
Pero kahit isa siyang math genius at malaking karangalan ang inihahatid niya sa Pilipinas at sa kanyang eskuwelahan, isang ordinaryong bata rin lang si Kiefer.
Gaya ng ibang estudyante, nararanasan din niya ang hirap kung paano hahatiin ang kanyang oras.
Read: Passion not pressure helps Jerome Formaran graduate magna cum laude, top board exam
Bukod naman sa husay sa numero, magaling din siyang magsulat.
First placer siya sa feature writing (English) category sa ginanap na District Elementary Press Conference last March 23, 2024.
Vice president din siya ng student body ng kanilang eskuwelahan.
Kuwento pa ng kanyang inang si Leonora, mapagbigay, mabait at masipag na bata si Kiefer.
At gaya ng ibang bata, mahilig din siyang manood ng anime at maglaro ng online games.
Mahilig din siyang sumayaw at nag-a-upload ng dance videos sa Tiktok.
Paalala naman niya sa mga nahihirapan sa math, "When you think something is difficult, don't try to avoid it. Embrace it, study it, and gather information so you can find the solution."
Halaw mula sa artikulo ni Gladys Serafica ng Philippine News Agency.
Read: Meet Fritz Sendrijas, Top 1 in architecture licensure exam and magna cum laude