Si Laurent Schwarz ay lumilikha ng ingay sa international art world.
Ang kanyang makulay na abstract paintings na nagpapakita ng pigura ng mga hayop ay nabenta ng mahigit US$7,000 o PHP409,734.50.
Ang kamangha-mangha: siya ay two years old.
At nagsimula ang artistic journey ni Laurent noong isang taon nang magbakasyon ang kanilang pamilya.
Habang nasa isang resort, humanga siya sa mga art pieces na nakita sa activity room.
Dito nagsimula ang kanyang interes sa art.
Halos ayaw na niyang umalis sa activity room.
Pagbalik niya sa kanilang bahay sa Germany, ipinagpagawa si Laurent ng kanyang parents ng sariling art studio.
Hinayaan siyang i-unleash ang kanyang creativity at tuklasin kung ano ang kaya niyang iguhit.
Read: Meet Devoney Scarfe, amazing pie artist
MAHILIG SA MATITINGKAD NA PAINTINGS
Tampok sa mga paintings ni Laurent ang kakaiba at pinagsama-samang abstract forms pero makikilala pa rin na pigura ng mga hayop, gaya ng elepante, na kanyang paborito, pati na rin dinosaurs at kabayo.
Ayon sa kanyang inang si Lisa, gustung-gusto ni Laurent gumamit ng matitingkad na kulay.
Hindi raw gumagamit ang bata ng mga kulay na “boring.”
Mapapansin ding malinaw para kay Laurent kung ano ang mga gusto niyang kumbinasyon ng mga kulay, batay sa kanyang mga paintings.
Ani Lisa sa isang panayam ng British daily newspaper na The Times of London, “They’re abstracts and what’s unusual is how he integrates discernible figures into them, which people often mention to us, and which makes them so popular.”
Gumawa naman si Lisa ng Instagram account at website para kay Laurent—ang laurents.art—kung saan makikita ang mga obra ng toddler.
Pagbabahagi pa ni Lisa, “I thought I’d set up a channel because what he was painting looked so nice. And that triggered a real hype.”
Mabilis dumami ang mga followers ni Laurent, at doon na nagdesisyon si Lisa na ibenta ang mga paintings ng anak.
Read: Meet Rajacenna, artist who paints with hands and feet
KINIKITA SA PAINTINGS NI LAURENT, INIIPON SA BANGKO
Mabenta sa netizens ang mga obra ng toddler.
Karamihan ng paintings ni Laurent ay ibinebenta online, pero "no artworks on commision" yet kasi, he only paints "for fun."
Nitong April 2024, inilunsad officially ang mga paintings ni Laurent sa pinakamalaking art fair sa Munich.
May mga art collectors na bumili ng kanyang mga obra.
Sa ngayon ay nakikipag-meeting na ang mga parents ni Laurent para makapagdaos siya ng art exhibit sa isang gallery sa New York City.
Sa kabila naman ng commercial success ni Laurent, prayoridad pa rin ni Lisa ang artistic freedom ng anak.
Hinahayaan niya ang bata kung ano talaga ang gusto nitong ipinta.
Malaya rin si Laurent na sabihin sa kanyang parents kung kailan lang niya gustong magbabad sa kanyang art studio.
Kuwento pa ni Lisa, “Sometimes he doesn’t feel like painting and doesn’t set foot in his studio for three or four weeks, but then suddenly it grabs him and he says, ‘Mama, painting.’”
Nakakasorpresa rin ang artistic awareness ng toddler.
Sa libu-libong kuwadrong naka-display sa Munich art fair, mabilis niyang naituro kung nasaan ang dalawa niyang paintings.
Pagbabalik-tanaw ni Lisa sa eksena, “He went straight up to them and said ‘Laurent painted.’”
Ang kinikita ni Laurent mula sa pinagbentahan ng kanyang paintings ay iniipon ng kanyang parents sa bangko.
Nakasaad naman sa website niya, "...what will I buy when I grow up and get the money? Definitely candies. Oh, oh and colors. Lots of colors. Even more than I already have… Candies and colors. That sounds like a good investment to me."
Magkakaroon si Laurent ng access sa kanyang bank account pagsapit sa edad na 18.
Read: Artist Myse Salonga, kabilang sina Heart Evangelista at Solenn Heussaff sa hinahangaang painters
WORLD’S YOUNGEST ARTIST IS NOT LAURENT
Sa kabila naman ng kamangha-manghang art skills ni Laurent, hindi lang siya ang toddler na gumagawa ng ingay sa international art scene.
Ang kinikilala bilang world’s youngest artist, ayon sa Guinness World Records, ay isang baby mula sa Ghana.
One year and 152 days old si Ace-Liam Nana Sam Ankrah nang makuha niya ang record.
Nagsimula namang magpinta si Ace-Liam noong six months old pa lang siya.
Ayon sa kanyang ina na si Chantelle Kuukua Eghan, na isa ring artist, kinailangan niyang mag-focus sa tinatapos na commisioned artwork para sa Miss Universe 2023.
At para may pagkaabalahan ang kanyang baby, nagdesisyon siyang bigyan ito ng canvas at mga pintura.
Ni hindi pa nakakalakad noon si Ace-Liam.
Laking-gulat ni Chantelle sa naging resulta ng pinaggapangan ni Ace-Liam.
Naging abstract painting ito na pinamagatang The Crawl, at naging unang-unang obra ng baby.
“It was clear that he found a lot of joy in it,” ani Chantelle sa panayam ng GWR.
Ang mga paintings ni Ace-Liam ay in-exhibit sa Museum of Science and Technology sa Accra, ang capital ng Ghana, mula December 2023 hanggang January 2024.
Bagaman at mabenta ang mga ito, walang binanggit kung magkano ang halaga ng paintings ni Ace-Liam.
Nakatapos na siya ng 20 kuwadro, at siyam sa mga ito ang nabenta.