Nasungkit ni Niele Shem Geronimo Bañas ang Top 1 placement sa October 2024 Electronics Technicians (ECT) Licensure Exam kamakailan.
Nakakuha siya ng 93% rating.
Pero ang achievement na ito ni Shem ay itinuturing lamang niyang “side quest.”
Noong April 2024 kasi, si Shem din ang Top 1 sa Electronics Engineers (ECE) Licensure Exam, at nakakuha ng 91.80%.
In short, dalawang beses nag-Top 1 si Shem sa dalawang board exams sa parehong taon.
Itinampok siya sa PEP.ph (Philippine Entertainment Portal) six months ago bilang isang topnotcher na self-confessed online gaming addict.
Ngayon, headliner ulit siya dahil sa kanyang recent achievement.
“Side quest completed,” tanging caption ni Shem sa Facebook post niya noong October 29, 2024.
Kalakip nito ang listahan ng topnotchers sa October 2024 Electronics Technicians (ECE) Licensure Exam.
Read: SUCCESS STORY: ECE board topnotcher Niele Shem Bañas
Niele Shem Geronimo Bañas ON LATEST FEAT
Inusisa ng PEP si Shem kung bakit nagdesisyon siyang kumuha uli ng board exam.
“It's to complete my journey as an electronics practitioner,” tugon niya via direct messaging, October 31, 2024.
Sundot niya, “Puwedeng ECE na lang i-take at makaka-practice pa din ng technician course, pero ginusto kong dalawa silang i-take para makumpleto ko talaga."
Nang matanong kung ano ang pakiramdam ng pagta-Top 1 niya ng dalawang beses, sagot niya sa PEP, “Relieving, kasi free na from the pressure of staying on top. Tsaka nakaka-proud na din kasi ito talaga ang dream ko.”
NIELE SHEM GERONIMO BAÑAS'S NEXT STEP
Mukhang hindi pa tapos si Shem sa kanyang academic pursuit.
Ano ang next plan niya?
Ang sagot ni Shem, "Maybe focus sa career. After a few years, I'd like to pursue Electrical naman."
Intensiyon daw niyang makakuha ng Electrical Engineering units para magkaroon siya ng degree rito.
Read: Boy who was once kicked out of hotel grows up to become its owner
Umulan ng pagbati para kay Shem, na taga-La Carlota City, Negros Occidental.
A FORMER ONLINE ADDICT
Nang lumabas ang kanyang success story sa PEP noong April 2024, binanggit ni Shem ay pinagkalooban siya ng PHP200,000 incentive ng kanyang alma mater.
Ibinahagi rin niyang naging online gaming addict siya noong nasa senior high school.
Aniya, “My addiction started during my junior high school years, and peaked during the pandemic, where I would play until sunrise.
“But this addiction is on and off. I was able to quit during the start of my senior high school years, but it came back during the end of my senior high school years.”
Dahil sa stress na dulot ng pagiging competitive sa online gaming, bumitaw si Shem.
Kalaunan ay bumalik siya sa paglalaro, pero nagawa niyang balansehin ang paglalaro at pag-aaral noon.
Nang hingan siya noon ng payo para sa mga nagre-review para sa board exam, aniya, "What worked for me is dividing my 11 months of review into 4 parts for the 4 board exam subjects.
“I focused on 1 specific subject for a couple of months and move on to the next, while also improving the other subjects during that period, but at a slower pace.
“Also, I made sure to have enough time for myself to prevent academic burnout, which would've been counterproductive to me.
“I also made a lot of handwritten notes of the lectures and digital flashcards for concepts I find difficult. This way I can easily recall those concepts.”
Mukhang effective ang paraang ito para kay Shem dahil yun nga, he did it again with flying colors.