Ilang taon lamang ang nakalilipas, nag-viral ang video ng isang batang lalaking nagtuturo sa harap ng napakaraming estudyanteng mas matanda pa sa kanya.
Ayon sa caption ng video, ang batang ito ang pinakabatang university professor.
Marahil ang naisip ng nakararami: totoo kaya ito?
Pero hindi ito fake news. Ang 12-year-old kid ay si Suborno Bari na nakatira sa New York sa U.S.
“As far as I know, I’m the youngest professor that taught in a university,” ani Suborno na tampok sa Great Big Story YouTube channel noong February 15, 2025.
Kahit ang kanyang mga magulang, aminadong pambihira si Suborno.
Sa edad na two years old, memoryado na raw niya ang periodic table of elements.
Ang ina ng bata ay si Shahada Bari, isang graduate student, at ang kanyang ama ay si Rashidul Bari, isang physics teacher.
Read: Promil kids all grown up: Gifted children many years later
HOW IT ALL STARTED
Ani Suborno, nagkamalay siya sa pagtuturo sa kanya ng mathematics sa edad na two years old.
Nasa Bronx sila noon at mahirap pa ang kanilang pamumuhay.
Walang trabaho ang ina at nagtatrabaho bilang security guard ang ama.
“But still, my dad had a big love for mathematics,” ani Suborno.
“My mom used to give me lessons in math and that’s when the thoughts started occurring to me.”
Anang kanyang ina, sinimulan niyang turuan si Suborno ng basic math, pero naging matanong ang bata at nakakaunawa na ng kumplikadong equations.
Sinabihan ng ina ang ama ni Suborno na turuan ang anak, pero sinabi ng ama na nagpapa-impress lang ang bata.
Sagot daw ng ina, “I said, ‘No, he’s totally different than other kids.’”
Ani Suborno, normal ang kanyang kindergarten years at ang first two years sa elementarya.
Subalit nagsimula na siyang ma-bore sa math pagsapit ng third grade.
Dito na nagdesisyon ang kanyang mga magulang na i-check kun ma-accelerate siya.
Naitampok si Suborno sa CNN noong June 2024, nang magtapos siya sa Malverne High School sa edad na 12 at matapos lang ang two years.
Iniulat ng WABC-TV na si Suborno ang “youngest-ever student to graduate from the high school.”
Binanggit namn sa CNN report na sa 100-point Grade Point Average (GPA), naka-score si Suborno ng 96 GPA noong first year niya, at 98 naman noong second at final year niya.
Noon namang 2016, nakatanggap ng liham si Suborno mula kay then U.S. President Barack Obama na pinupuri ang accomplishments niya.
Read: Genius na may master's at doctorate degrees, piniling maging jobless
STUDENT AT NEW YORK UNIVERSITY
Sa ngayon ay anim na buwan nang nag-aaral ng Mathematics sa New York University (NYU) si Suborno.
“It was a huge accomplishment for me even to get accepted into university,” sabi ng matatas na estudyante sa Great Big Story interview.
“I was nervous that due to being in only two years of high school…
“And not just that. The fact that I was six years younger than every other applicant, it would make it very difficult for me get accepted."
Sabi naman ni Dr. Kovan Pillai, director ng NYU Math Circle, “Working with a student like Suborno is thrilling because they have infectious energy.
“No matter how much you teach them, they want to know more.”
Paliwanag niya pa, “These kids are actually special-needs kids, and I know people don’t like to think them like that.
“The typical attitude is they’re smart, they’ll figure it out eventually. They don’t.
“They need as much attention as somebody struggling to keep up with the class because they disengage in the same way.”
LONG-TIME PROFESSOR IS A BOY
Kahit sa edad niyang 12, sinabi ni Suborno na well-experienced na siya bilang teacher.
“I’ve been teaching technically for a very long time, ever since the channel Bari Science Lab started,” aniya sa kanyang YouTube channel na may higit 1.42 million subscribers.
Sa edad lamang na pito ay nakatanggap na siya ng invitation mula sa isang university sa India para magbigay ng lecture sa math at physics.
Nang ilabas ang videos na kuha noong nagle-lecture sa India, nag-viral si Suborno.
Nagresulta ito sa sunud-sunod na imbitasyon para mag-lecture.
Ngayon ay mayroon siyang dalawa hanggang tatlong invitations kada taon.
Hirit niya, “Right now, I’ve estimated the lectures that I’ve given was possibly 30-25 in person, but possibly over 3,000 if you count online lectures.”
SUBORNO ON FULFILLMENT
Sabi naman niya sa kanyang fulfilmment bilang lecturer, “The reward are mostly just total gratification.
“It feels like you actually spread your knowledge to other people, and that’s one of the most valuable feelings you can get.”
Pero sa ngayon, mas tinututukan ni Suborno ang pag-aaral ng math at science kesa sa pagtuturo.
Hindi rin nakalimutan sabihin ni Suborno na napakasuwerte niya na naging very supportive ang kanyang mga magulang.
“I would to tell any parents watching this speak to your kids. They have a lot more going in their mind than you realize.”
Pahayag niya sa mga batang tulad niya, “I hope that 9- or 10-year-old kids will see my story, they’ll take away the message that they’re supposed to be teaching at 9 or 10 years old…
“But I think that they should take away the message that with enough determination and enough passion for whatever subject you want to go into, anything is possible.”
Mukhang bright ang future ni Suborno kung magtutuloy-tuloy ang kanyang pag-aaral.
Sinabi naman ng kanyang mga magulang na nakaalalay lang sila sa anak sa kung anuman ang gusto niyang gawin.
Sabi pa ng kanyang ama, “We don’t want him to be the next [Albert] Einstein. We want him to be the next happiest person in the world.”