Isang electrical engineer ang sinisikap ibalik ang popularidad ng payphones sa kanyang komunidad sa Randolph, Vermont, U.S.A.
Siya si Patrick Schlott.
Hobby niya ang pagbubutingting ng payphones, na naglipana sa mga street corners, shopping malls, bus stations, universities, at iba pang public places noong kabataan niya.
Naitampok pa nga ito sa mga pelikula ni Superman. Remember his iconic red phone booth?
Subalit unti-unting naglaho ang mga ito dahil sa imbensiyon ng cellphones at smartphones.
Read: How long do hard-boiled eggs stay safe to eat?
PATRICK BRINGS BACK PAYPHONES
Pero para kay Patrick, na electrical engineering graduate ng Vermont State University, may pakinabang pa rin sila.
Katuwiran niya, kailangan pa rin ang payphones sa mga lugar—gaya ng Williamstown, kunsaan siya nakatira—na wala o mahina ang signal.
Magagamit pa rin ito ng mga taong na-drain ang battery o nasiraan ng device o walang cellphone at all.
Kaya ang ginawa ni Patrick, nag-install siya ng mga payphones sa kanyang community.
Ulat ng NBC5 News nitong Mayo 2025, naglagay siya ng isang 1950s-era rotary payphone sa Info Barn ng White River Valley Chamber of Commerce sa Vermont.
Ang Info Barn ay malapit sa kalsada kaya accessible ito sa mga residente in case of emergency.
Ang maganda sa payphone ni Patrick, “no coins needed” dahil free to use ito.
At ang bongga nitong feature: puwedeng gamitin na pantawag sa smartphones o cellphones.
Ni-rewire kasi niya ang vintage phone para mai-transmit ang mga tawag sa Internet.
Bukod sa Info Barn, nag-install din si Patrick ng free payphone sa North Tunbridge General Store, isang lugar na wala halos cellphone signal.
Mayroon din sa Latham Library sa Thetford Academy, kung saan nagagamit ito ng mga estudyante para matawagan ang mga magulang o nanny kapag magpapasundo.
“People like it. It’s definitely getting used,” ani Patrick.
Ang free-to-use payphones ni Patrick ang naging produkto ng itinayo niyang kumpanya—ang Randolph Public Telephone Operating Company o RandTel.
Sa ngayon, sa sariling bulsa galing ang pondong ginagamit ni Patrick sa pag-i-install ng vintage payphones.
Si Patrick ay may day job bilang electrical engineer, pero sa sarili niyang home workshop ay nililinis, kinukumpuni, at tine-test niya ang mga payphones na nabibili niya sa mga auctions at flea markets.
Paliwanag niya, ang mga vintage phones na ito ay matibay ang pagkakagawa.
“So, a lot of them have a good amount of staying power. They still operate and I think if you can use that and provide public service, then that’s something really positive."
Nagpaplano na si Patrick na mag-install ng mas marami pang payphones at naghahanap siya ng potential host o sponsor para sa proyekto niyang ito.
Aniya, part-hobby at part-volunteerism ang ginagawa niya para makinabang ang Vermont community.
"If even one person gets a positive use out of using this phone, all of my effort will have been worth it,” ani Patrick.
Read: Identical triplets graduate magna cum laude in Zamboanga Sibugay