Kapupulutan ng aral ang kuwento ni Alyssa Niega, ang valedictorian ng University of the Philippines – Los Baños (UPLB) Batch 2025.
Nagtapos siya ng Bachelor of Science in Human Ecology bilang summa cum laude.
Pero aakalain mo bang hindi siya nag-qualify sa University of the Philippines College Admission Test (UPCAT)?
"I wasn’t an UPCAT qualifier for UPLB in 2020. Sa halip, isa ako sa mga umapela para sa reconsideration," bahagi ng pahayag ni Alyssa sa kanyang valedictory address.
Ayon sa artikulong inilathala sa UPLB website noong July 30, 2025,
"She was waitlisted and had to defer her admission to the BS Human Ecology program," na siyang third choice niya.
BS Biology ang kanyang first choice at BS Nutrition ang kanyang second choice.
Hindi man kaagad umayon sa kanya ang mga pangyayari, she made the most out of her situation.
Read: Filipino family faces discrimination at Sagrada Familia in Spain
ALYSSA'S HUMBLE BEGINNINGS
Si Alyssa ay taga-Calamba, Laguna, at pangalawa siya sa tatlong magkakapatid.
Pangarap talaga niyang makapag-aral sa state university ng Pilipinas.
Naniniwala siyang ito ang magiging tiket niya para sa magandang kinabukasan.
Siya ang kauna-unahan sa kanyang pamilya na nakapagtapos sa UPLB. Marami rin sa kanyang mga kamag-anak ang hindi graduate sa kolehiyo.
Read: The surprising history of Graham Crackers: Created to curb sexual desires
alyssa's MESSAGE to fellow students
Sa kanyang speech, binigyang diin ni Alyssa ang pressure sa mga taong binabansagang “outstanding” at “excellent.”
Ipinaalala niya na ang pagiging “perfect” ay hindi dapat maging basehan ng tagumpay.
Para sa kanya, ang true excellence ay ang pagpupursige sa kabila ng mahirap at bako-bakong daan.
Hindi nakalimutang pasalamatan ni Alyssa ang mga taong tumulong sa kanya sa College of Human Ecology.
Binanggit din niya ang mga mahahalagang natutunan hindi lamang mula sa mga kamag-aral at mga guro, kundi pati na rin sa mga taong nakasalamuha niya sa kanyang fieldwork.
Mahalaga, aniya, ang pagtulong sa iba: “What is the point of coming this far if the journey ends with us?”
Sa simula, ang hangad lamang ni Alyssa ay magtapos sa UP.
Subalit habang tumatagal, mas lumalim ang kanyang misyon.
Ang nais niya ngayon ay maibalik ang pagtulong sa komunidad at sa kanyang kapwa.
What is next for her?
“My dream is to serve others through healing, to advocate for accessible healthcare, and to reach the underserved and unseen.
“I want to apply everything I have learned inside and outside the classroom to create sustainable, inclusive, and compassionate solutions.”