Isang centenarian sa Muntinlupa City ang nakatanggap ng PHP100,000 mula sa lokal na pamahalaan.
Siya si Tatay Lumeng Pascua, residente ng Barangay Poblacion.
Ipinanganak siya noong December 11, 1925.
Mismong si Mayor Ruffy Biazon ang nag-abot kay Tatay Lumeng ng tseke.
Ibinahagi ng alkalde sa kanyang official Facebook account last December 17, 2025, ang naging pagkikita nila ng centenarian.
Ani Mayor Ruffy sa caption, published as is: Binigyan natin ng P100,000 cash gift si Tatay Lumeng Pascua from Brgy. Poblacion, at masasabi ko, siya ang living definition ng lakas at sigla.
“Sa unang tingin ko nga, hindi ko inakala na siya ang centenarian.
“Matalas pa ang isip, diretsong kausap, at talagang malakas ang pangangatawan.
“Siya pa nga ang sumalubong sa 'kin at bumati.”
Read: Atom Araullo grants security guard’s wish
TATAY LUMENG PASCUA IS A FORMER POLICE OFFICER
Naibahagi rin ng alkalde na isang dating police officer si Tatay Lumeng.
Isa itong retired colonel, at nakapagserbisyo sa loob ng 33 years of service.
Paglalarawan pa ni Mayor Ruffy sa centenarian: “Nakakatuwang kausap si Tatay Lumeng—sa dami ng karanasan sa buhay, hindi mauubusan ng topic.”
Nagbahagi rin ito sa kanya ng isang nakatutuwang anekdota tungkol sa buhay nito.
“Naikuwento rin niya ang kanyang namayapa na niyang asawa na si Nanay Lumeng.
“Yup, same nickname sila—Iluminado at Iluminada kasi ang tunay nilang pangalan.
“Meron silang apat na anak.”
Read: Influencer gives PHP100M Christmas gift to 88-year-old cashier
TATAY LUMENG PASCUA’S SECRET TO LONG LIFE
Tinanong din ng alkalde kung ano ang sikreto ni Tatay Lumeng sa mahaba niyang buhay.
“Wala raw siyang sikreto pero nag-e-exercise siya at walang bisyo—healthy living talaga.”
Pinasalamatan niya si Tatay Lumeng at ang pamilya nito sa pagtanggap sa kanya sa kanilang tahanan.
Anang alkalde, “Nag-enjoy ako sa bonding at kuwentuhan.”
Sa mga larawan sa Facebook post ni Mayor Biazon ay makikita ang masiglang pag-uusap nila ni Tatay Lumeng.
Magkasalo rin silang kumain.
Makikita sa centenarian na talagang malakas pa nga ito sa kabila ng edad.
Ipinaliwanag din ng alkalde kung bakit nabigyan ng cash gift si Tatay Lumeng.
Aniya: “Per Muntinlupa City Ordinance No. 2018-147, ang residente ng lungsod na umabot sa edad na 100 ay eligible na tumanggap ng cash gift.
“Sa ilalim din ng Republic Act 10868 o mas kilalang Centenarians Act of 2016, ang mga Pilipinong nasa edad 100 pataas ay bibigyan ng cash gift bilang pagkilala sa kanilang kontribusyon sa bansa.”
Read: Diana Fe Gasga: Top 8, nursing board exam