Parehong hindi nakapagkolehiyo ang parents ni Jairus G. Lozano, kaya pinangarap talaga niyang makatapos ng pag-aaral.
Natupad ito noong nag-graduate siya ng Bachelor of Science in Psychology sa Pamantasan ng Lungsod ng Valenzuela noong 2024.
May malaking bonus: Top 7 siya sa September 2026 Psychometricians Licensure Examination, at may rating na 93 percent.
Twenty-four years old si Jairus, na residente ng Valenzuela City.
Pangalawa siya sa tatlong magkakapatid.
WHY PSYCHOLOGY
Nakakuwentuhan si Jairus ng PEP.ph (Philippine Entertainment Portal) nitong October 14, 2026, via Facebook Messenger.
Pagbabahagi niya: “I grew up from a poor family po. Ang mother ko po ay housewife, at ang father ko naman po ay OFW.
“Psychology po ang kinuha ko dahil sa interest ko po na pag-aralan ang human behavior. I also wanted to understand myself.
“Most importantly, there are people close to me na may mental health conditions.
“By taking psychology, I wanted to be able to understand them better.”
Read: Doctors caution public against unproven stem-cell treatments
JAIRUS LOZANO’S FINANCIAL WOES DURING COLLEGE
Tulad ng ibang nagkolehiyo, naging problem ni Jairus ang mga gastusin.
Sambit niya: “Sa buhay-college ko, financial challenges po talaga ang nagiging problema ng pamilya namin.
“I remember, may time po na nagbakasyon ang tatay ko, then na-delay po siya ng flight pabalik kaya na-short po kami sa budget.
“Then, may time rin po na natanggal sa work ang tatay ko kaya kinailangan niyang maghanap ng bagong trabaho.”
Naging self-supporting student siya. At minsan, hindi lamang gastusin sa pag-aaral ang sinasalo niya.
“Sa challenges po na kinaharap namin ng family ko, in order to survive, I had to step up po.
“Nung college po ako, may scholarship po ako nun kaya tuwing may financial difficulties ang family, ako po ang sumasalo.
"At para makatulong sa mga gastusin sa bahay, minsan yung savings ko ay nagagalaw ko po. Kaya by God’s grace, nakaka-survive po.”
Sa awa ng Diyos at sa kanya na ring determinasyon, maluwalhati niyang nairaos ang pagkokolehiyo.
JAIRUS LOZANO STOPS WORKING TO FOCUS ON HIS REVIEW
Nung kukuha na siya ng board exam, kinailangan niyang iwanan ang trabaho.
Lagi kasi siyang kinakapos sa oras lalo pa at working na siya noon.
“At the start of my review season, I was busy with my work during weekdays and church duties during weekends.
“As a result, yung pagre-review ko ay isinisingit ko na lang kapag may free time kaya kinulang rin po talaga sa oras.”
Mahirap man, isang desisyon ang kanyang ginawa. “That is why I had to choose po and set my priorities. Hence, I left my job.”
Read: Aira Brigola: Blind graduate who passed psychology board exam
Mabuti na lang at nag-focus siya sa review. Mahirap daw kasi ang board exam.
“Yes po. Hindi po madali...Marami pong tanong na hindi ako sigurado, but I had to come up with my best guess while analyzing carefully the question and choices.
“While taking the test, na-realize ko po na marami pa rin pala akong hindi alam. Pero hindi po ako nawalan ng pag-asa dahil alam ko pong lahat ng prayers at effort ko ay magbubunga.”
BEING A TOPNOTCHER
Bgamat nahirapan siya sa board exam, hindi itinanggi ni Jarius na gusto niyang maging topnotcher.
Matatas niyang sambit: “Definitely, pinangarap ko pong maging topnotcher.
“Yun po talaga ang goal ko kaya I chose to resign from my job in order to give my all sa review.
“Pinangarap ko pong maging topnotcher—not for myself—but for my parents and to glorify God.”
Pagbabahagi pa niya, nung araw mismo na lumabas na ang resulta, umiyak daw siya nung nakita ang pangalan.
“When the news came out na Top 7 ako, I cried—not out of sadness—but out of joy and gratefulness to God for answering my prayer.
“And because all my effort and sacrifices finally paid off.”
Sa kanyang September 23 post sa Facebook ay nai-share din ni Jairus ang kanyang mga naging predikamento bago nakamit ang tagumpay.
“During my review season, there were times na gusto ko nang huminto, sumuko, and worst, I doubted myself kung kaya ko ba.
“I even came to a point where I questioned myself kung yung ginagawa ko bang pagre-review ay magbubunga, kung tama ba ginagawa ko, if I am on the right track at kung anu-ano pang pag-o-overthink.
“But even during those times, I felt God’s presence and peace giving me a sense of assurance that God is by my side.”
Nabanggit din niya ang turning point para maiwasan niyang pagdudahan ang sariling kakayahan.
“At the start of the year, I was still having second thoughts whether to take the board exam or not.
“I did not have enough motivation back then. Not until last May when I went to Prayer Mountain with my fellow Sunday school teachers.
“It was then when God started changing my perspective.
“Passing the boards became something I want to do, not solely for myself, but most importantly for my parents.”
JAIRUS LOZANO DEDICATES ACHIEVEMENT TO HIS PARENTS
Una sa lahat, sa Diyos, “for making it all possible," inialay ni Jarius ang kanyang tagumpay.
Pinasalamatan din niya ang mga magulang.
"Sila po talaga yung pinaghugutan ko ng lakas during my review season.
“And grabe rin yung sacrifices ng Mama ko po habang busy ako sa pagre-review.”
At ang higit na nagpapasaya kay Jarius na alam niyang labis ding ikinaliligaya ng kanyang ama’t ina ay nakatapos siya ng pag-aaral.
“Kahit hindi sila nakatuntong ng college, mayroon silang anak na topnotcher.
“With that, hopefully I was able to bring them joy.”
JAIRUS LOZANO’S FUTURE CAREER PLAN
Higit pang palalawakin ni Jarius ang kanyang kaalaman sa psychology ngayong isa na siyang licensed psychometrician.
“My future career plan is, I want to become an educator, someone who will educate and inspire students in the field of psychology.”
May payo rin siya sa mga kabataang gusto ring mag-aral ng naturang kurso.
“The journey ahead will not be easy but it will be fun and fulfilling.
“Always keep with you a heart for serving people, ready to listen, and extend compassion.”