Dumating na ang araw na pinakahihintay ni Miss Universe Philippines Rabiya Mateo.
Ito ay ang pagpunta niya sa Hollywood, Florida, ang venue ng 69th Miss Universe na magaganap ang coronation night sa May 16, 2021.
Mula sa bahay na tinitirhan niya at ng Miss Universe Philippines staff sa Fort Lauderdale, bumiyahe si Rabiya sa Hollywood para sa opisyal na pagsisimula ng paglahok niya sa 69th Miss Universe.
Labimpitong minuto lamang ang layo ng Fort Lauderdale sa Hollywood, Florida, pero medyo na-late ito ng dating sa Seminole Hard Rock Hotel & Casino, ayon sa video na kuha ng Thai Sashes, na nag-antay raw ng nine hours sa kandidata ng Pilipinas.
Sa maikli panayam kay Rabiya, sinabi ng dalaga na, "We're gonna fight. Were' gonna do our best."
Sa Zoom presscon ng Miss Universe Philippines Organization para kay Rabiya noong Miyerkules, May 5, sinabi ng Philippine bet na excited siyang isuot ang kanyang arrival outfit para sa 69th Miss Universe.
Si Jonas Gaffud, ang creative director ng Miss Universe Philippines, ang nagbigay sa Cabinet Files ng ilang detalye tungkol sa white outfit ni Rabiya para sa international beauty pageant na sasalihan nito.
Ang fashion designer na si Yeye Pantaleon ang may likha nito, ang Lvna Jewels ni Drake Dustin ang nag-provide ng accessories, at ang Shoes to Match ang sponsor ng sapatos ni Rabiya.
Definitely, stunner ang Filipina beauty queen sa kanyang arrival look na importante dahil kailangang malakas ang impact o epekto ng mga kandidata sa publiko at sa mga hurado sa unang araw ng pagsisimula ng 69th Miss Universe competition.
Use these Lazada vouchers when you shop or order online. Marami pang ibang coupons dito.