Tatlong Pinoy restaurants ang kabilang sa listahan ng 2022 Asia’s 100 Best Restaurants.
Nasa 69th place ang Gallery by Chele na nasa Bonifacio Global City, Taguig. Pag-aari ito ng mga chefs na sina Chele Gonzalez at Carlos Villaflor.
Specialty ng Gallery by Chele ang modern cuisine with Spanish-European and Southeast Asian influences.
Nakuha naman ng Antonio's Tagaytay ang 74th spot. Pag-aari ni Chef Tonyboy Escalante ang fine-dining restaurant na ito sa Tagaytay City.
Laging nakakasama ang Antonio’s Tagaytay sa nasabing listahan. Nasa 48th spot ito sa 2015 edition ng Asia’s 50 Best Restaurants.
Nasa 94th place naman ang Toyo Eatery ni Chef Jordy Navarra.
Nagbukas ito noong March 2016, at nag-o-offer ng Filipino dishes na ginagamitan ng mga local ingredients.
Ang listahan para sa Top 50 Asia's Best Restaurants ay nakatakda namang ilabas sa March 29, 2022 sa pamamagitan ng isang virtual event.