Gamit ang PHP1,000, sinimulan ni Harold Zapata ang lettuce farming noong April 2021.
Makalipas lang ang isang taon, ang kita niya ay umaabot na sa PHP30,000-PHP40,000 kada buwan.
Salamat sa hydroponic farming, naparami ni Harold, 22, ang kanyang lettuce sa isang 150-square-meter lot at makeshift greenhouse.
Ang greenhouse ni Harold Zapata ay yari sa recycled materials, gaya ng patapong Styrofoam, bakal ng kanyang lumang kama, kawayan, at plastic.
Kilala rin bilang aquaculture, nutriculture, at soilless culture, ang hydroponics ay ang pagpapatubo ng pananim gamit ang nutrient-enriched water, “with or without the mechanical support of an inert medium such as sand, gravel, or perlite,” ayon sa Britannica.com.
Read:
- Josh Mojica, 17, kumikita ng PHP150K kada buwan dahil sa kangkong chips
- Dating seaman na naging bee farmer, abot hanggang six digits ang kita
- Pares business ni Rodel Anisor: kariton ang gamit noon, milyonaryo na ngayon
STARTING HIS BUSINESS
Ibinahagi ni Harold, isang fourth year marketing management student, kung paano niya sinimulan ang kanyang negosyo.
“Kinompute ko nga po siguro PHP980 lang po talaga inabot,” aniya sa ulat ng Balita Pilipinas ng One PH.
“Nag-start ako sa isang libo. Takot pa nga akong i-invest yun dahil malaking bagay yun.”
Pero bakit isang libong piso lang ang kanyang naging puhunan?
Ang greenhouse kasi niya ay yari sa mga recycled materials, gaya ng bakal ng kanyang lumang kama, mga patapong Styrofoam na hiningi sa palengke, at mga kawayan sa bakuran na ginamit niyang pundasyon.
Dahil may kamahalan ang UV plastic, naghanap siya ng alternatibo at mas murang plastic na gagamitin bilang cover ng greenhouse.
Ang kanyang pinagkagastusan ay ang binhi, nutrients, at plastic cups na pinaglalagyan ng mga binhi.
Pagbabalik-tanaw ni Harold, “Kahit sa pagtitinda, kinabahan ho ako dahil first time ko ibenta ang sarili kong paninda.
“Nung binenta ko, yun nga, nag-click agad.
“So income ko PHP700 ata yun. ‘Tapos may kinain pa kami pang-samgyupsal."
Kung sa simula ay 50 lettuce heads ang inaani ni Harold kada buwan, ngayon ay umaabot na ito ng 2,000 lettuce heads.
Naghihintay lamang siya ng 25 days para maka-harvest at may kapalit na agad na binhi sa tuwing nagha-harvest.
Supplier na rin siya ng lettuce sa mga grocery stores sa Pampanga.
Sa mga magsisimula pa lang ng negosyo, may advice si Harold.
“Hindi naman importante na maganda agad, hindi importante na malaki agad [ang kita].
“Ang importante is yung in love ka sa ginagawa mo, inspired ka na gumising nang maaga, may benta o wala.
“As long as tuluy-tuloy ka, magsa-succeed iyan.”