Adobo at sinigang, hindi natutunan ng mga sinaunang Pinoy sa Kastila

by Bernie V. Franco
Sep 19, 2022
adobo sinigang
May mga culinary experts na nagpaliwanag na mali ang impormasyong natutunan ng mga sinaunang Pilipino ang pagluluto ng adobo at sinigang mula sa mga Kastila. Ayon sa experts, may kaalaman ang mga Pinoy sa dalawang sikat na dish na ito pre-Hispanic era.
PHOTO/S: Majoy Siason via Yummy.ph / Shutterstock

Hindi impluwensiya ng mga Kastila ang adobo at sinigang, dalawa sa pinakatanyag na Pinoy dishes.

Ito ang ipinahayag ng ilang culinary experts, na kinokontra ang mga naunang itinuro sa atin.

Sa tatlong siglong pananakop ng mga Kastila sa Pilipinas, malaking bahagi ng ating kultura—mga kaugalian, wika, at siyempre pagkain—ay nagmula sa kanila.

Kaya naman ang paniniwala natin, ang adobo at sinigang ay galing sa kanila.

Pero naniniwala ang ilang culinary experts na mali ito.

Bago pa man kasi tayo sakupin ng mga Kastila, marunong na ang mga sinaunang Pilipino na magluto ng adobo at sinigang.

WORLD-CLASS FILIPINO DISHES

Kapag sinabi mong adobo at sinigang, tatak Pinoy ito.

Sa katunayan, markado ang dalawang Pinoy dishes na ito pagdating sa best dishes in the world.

Sa inilabas na listahan ng TasteAtlas na “10 Best Rated Soups in the World” noong January 2022, Top 1 ang sinigang na baboy.

Pasok din ang adobo sa "100 Best Dishes in the World" ng TasteAtlas.

ADVERTISEMENT - CONTINUE READING BELOW ↓

READ: Sinigang na Baboy Top 1 sa best-rated soups in the world list

Patunay lamang ito na pang-world class ang Pinoy staple dishes.

Pero saan nga ba nagmula ang adobo at sinigang?

ADOBO native filipino, not a SPANISH dish

Ang tawag sa adobo ay nagmula sa mga Kastila.

Tinalakay ito ng GMA-7 journalist Kara David sa kanyang YouTube vlog noong August 8, 2021.

Ang adobo ay nagmula sa Spanish word na “adobar” na ang ibig sabihin ay marinate o pickle.

Ang main ingredients ng adobo ay suka at toyo.

Para sa ilang food historians, nang mapadpad sa atin ang mga Kastila, may kaalaman na sa ulam na ito ang mga ninuno natin.

“The Spanish adobo is actually a pickling sauce rather than a dish,” ayon sa libro ng culinary expert na si Doreen Fernandez.

“The Philippine adobo is a dish pickled or cooked in a sauce of vinegar.

“Adobo is an indigenous Philippine food.”

ADVERTISEMENT - CONTINUE READING BELOW ↓

Ibinahagi ni Kara ang tungkol sa isa sa mga isinulat ng Italian scholar at explorer na si Antonio Pigafetta nang dumaong sila sa Pilipinas noong 16th century.

Si Pigafetta ay naging assistant ni Ferdinand Magellan sa ekspedisyon. Siya rin ang naging tagatala ng mga pangyayari sa kanilang paglalakbay.

Sa sulat ni Pigafetta, sinabi nitong pagdating nila sa Pilipinas, inihain ng mga sinaunang Pilipino sa kanila ang karne na maalat.

Bukod sa maalat na karne, mahilig din daw ang mga Pinoy sa pagkaing pinaasim sa suka.

Hindi alam ni Pigafetta ang tawag dito kaya binansagan niya itong “adobo,” kagaya ng pag-a-adobar o pagma-marinate ng mga Kastila.

chicken adobo

ADVERTISEMENT - CONTINUE READING BELOW ↓

Kinatigan ito ng American food historian na si Raymond Sokolov na sinabing bago pa man dumating ang mga Kastila, ang mga sangkap ng adobo ay taglay na ng mga Pilipino.

“Adobo is truly an invention of the native Filipino. The Spaniards lacking a name for the dish, named it after a Spanish counterpart that resembled the way of cooking.

“The Spanish claim on adobo is a case of ‘lexical imperialism,’” ani Sokolov sa isa sa kanyang mga isinulat.

Samantala, binanggit ni Kara sa kanyang vlog na ginagamit ang suka ng mga sinaunang Pinoy para sa pagpe-preserve ng karne.

Hindi kasi pinapasukan ng bacteria ang karneng binabad sa suka, kaya hindi ito agad nabubulok.

Ibig sabihin, ang pag-a-adobo ay paraan ng pagpe-preserve ng karne at hindi bilang dish.

Binanggit din ni Kara na may iba-ibang bersiyon ng adobo sa iba’t ibang rehiyon sa Pilipinas, pero ang common ingredient nito ay suka.

ADVERTISEMENT - CONTINUE READING BELOW ↓

Ang paglalagay naman ng toyo sa adobo ay natutunan mula sa mga Intsik, na siyang nagpakilala ng toyo.

THE ORIGIN OF SINIGANG

Ganito rin ang kuwento ng sinigang, at ayon sa yumaong food author na si Doreen Fernandez niluluto na ito ng mga Pilipino noon pang pre-Hispanic era.

Bagamat sa ngayon ay gumagamit na ng iba’t ibang pampaasim sa sinigang, ang orihinal talaga ay ang sampalok.

Isda rin daw ang unang sahog ng sinigang dahil malapit sa yamang tubig ang Pilipinas.

Ani Doreen sa kanyang libro noong 1994, “Because of our geography, one would suspect that the pre-Hispanic filipino turned first to the sea (rather than to the forest) for his food.”

Sabi rin ng mga eksperto, posibleng natutunan ng mga Pinoy ang sinigang sa mga kalapit bansa nito sa Southeast Asia.

sinigang

ADVERTISEMENT - CONTINUE READING BELOW ↓

Sa Malaysia, may dish na kung tawagin nila ay “singgang.” Ito ay sinabawang isda na pinaasim ng sampalok. Ang pagkakaiba ay mayroon itong turmeric at tanglad.

Sa Indonesia ay mayroon din silang sour soup na kung tawagin nila ay Sayur Asim o sabaw na pinaasim ng sampalok at iba’t ibang gulay.

Sa paglipas ng panahon, ang sinigang ay nag-evolve. Bukod sa isda, isinisigang na rin ang karne ng baboy, baka, hipon, at iba pa.

Kung dati ay sampalok ang pampaasim, gumagamit na rin ngayon ng ibang pampaasim, gaya ng kamyas, bayabas, at ngayon nga ay may version na rin na pati strawberry at pakwan.

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
May mga culinary experts na nagpaliwanag na mali ang impormasyong natutunan ng mga sinaunang Pilipino ang pagluluto ng adobo at sinigang mula sa mga Kastila. Ayon sa experts, may kaalaman ang mga Pinoy sa dalawang sikat na dish na ito pre-Hispanic era.
PHOTO/S: Majoy Siason via Yummy.ph / Shutterstock
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results