Mahilig ka bang kumain ng pie?
Siguro, mas lalo kang gaganahang kumain nito kung ang matitikman mo ay ang pie ni Devoney Scarfe ng Auckland, Australia.
Bukod sa masarap ang inihahandang pie ni Devoney, nilalagyan din niya ito ng artworks ng celebrities, animal portraits, whimsical scenes, at kung minsan ay mga nakatatawang quotes.
Ang pie art ni Devoney ay maituturing na mga obra maestra dahil sa husay niyang mag-drawing sa kanyang kakaibang canvas.
Nagtatrabaho si Devoney bilang part-time creative director sa advertising agency ng kanyang mister.
Nagsimula naman siyang mag-aral ng food art bilang hobby tuwing nasa bahay siya at ginagampanan ang role niya bilang full-time mom.
Read: Pretty-in-pink house, hindi inakala ng owner na magiging tambayan ng mga influencers
DEVONEY SCARFE PALPAK ANG UNANG TRY BILANG PIE ARTIST
Pero dumaan muna si Devoney sa tral and error bago na-perfect ang obra.
Aniya, palpak ang kanyang mga unang pie art.
Pero hindi siya na-discourage at ipinagpatuloy ang pagpa-practice.
Na-experiment din siya ng mga bagong techniques at mga disenyo, hanggang sa unti-unti ay nag-improve ang kanyang skills bilang pie artist.
Isa sa kanyang breakthrough moments bilang food artist ay ang ginawa niyang pie art nang pumanaw si Queen Elizabeth ng England noong 2022.
Ang disenyo ng mukha ng reyna ay inabot ng ilang araw bago natapos ni Devoney.
Napakaganda ng naging resulta ng “too-cool-to-eat pie” na may mukha ni Queen Elizabeth at naging viral.
Dahil dito, dumami ang kanyang followers sa social media.
Pagbabahagi ni Devoney sa naging panayam sa kanya noon ng Stuff Magazine kung bakit niya ginawa ang monarch-themed pie, “The other day I was like, ‘Oh my God. I know how to do it’ and then I heard that the Queen had died, and I was like, ‘I’m gonna do the Queen!’
“I’ve worked out a few tricks, and I feel pleased with this finally.”
Read: Kamangha-mangha: Artworks ng young artist sa mga puno, poste, road signs
PROSESO NI DEVONEY SCARFE BILANG PIE ARTIST, METIKULOSO
Idinetalye rin ni Devoney ang kanyang mga proseso sa paggawa ng pie art.
Inaabot daw siya ng isang linggo bago makakumpleto ng isa.
Madali lang umano ang gumawa ng dough, pero kailangan niya itong ilagay muna sa refrigerator sa loob ng 24 oras.
Pagkatapos, sisimulan na niya ang pagkokorte sa pie, paglililok ng artwork, at saka niya ibe-bake.
Kapag na-bake na niya, saka naman niya lalagyan ng mga kulay gamit ang food coloring ang nililok niyang artwork sa pie.
At kapag nagkamali siya, balik uli siya sa umpisa at mauuwi sa wala ang ilang araw na pinagpaguran na niya.
Read: Street sweeper na naka-makeup habang nagtatrabaho, naokray; kumikita ng PHP80K a month sa TikTok
DEVONEY SCARFE, LAGING MAY BAGONG NATUTUTUNAN
Sa mga nakalipas na taon, iba’t ibang challenges na ang napagdaanan ni Devoney bilang pie artist.
Nakabisado na rin niya ang mga technicalities at natuklasan ang mga paraan para hindi masira o mag-crack ang artwork na inilalagay niya sa dough.
Aniya, sa loob ng mahigit isang taon ng trial and error, lagi pa rin siyang may bagong natututunan.
Read: Meet Jayne Burns, 101 years old and still working; mahilig siya sa make-up at shopping
Sa ngayon, satisfied na siya sa kanyang level of work at na-acquire na skill set sa paggawa ng pie art.
Aniya, “I’m really interested in that grey area where art meets food.
“I find that quite fascinating.”
Kung iniisip ninyo kung ano ang nangyayari sa mga katakam-takam na pie na ginagawa ni Devoney matapos niyang makunan ng larawan at mga video at mai-upload sa kanyang social media accounts partikular sa Instagram, wala aniyang natitira sa mga ito dahil laging inuubos ng kanyang dalawang anak.
Biro niya, laging gutom daw ang kanyang teenage sons kapag nakikita ang kanyang creations.
“You just have to shovel food into them.”
Ang mga pie arts ni Devoney ay na-feature na sa The Guardian, Buzzfeed, Vice, The Spinoff, at sa Taste, Cuisine & Gourmet Traveler Magazine.
Read: Model nakipag-date "completely naked"; suot niya ay body paint