Magsisimula na ngayong Lunes, October 28, 2024, 5:45 ng hapon, sa GTV ang pinabagong cooking and talk show na Lutong Bahay hosted by Sparkle artist Mikee Quintos.
Isnag karangalan daw para kay Mikee na pinagkatiwalaan siya ng GMA Public Affairs sa isang malaking proyekto.
Saad niya, "I'm so honored and grateful siyempre. Very overwhelming nung una, pero ang GMA Public Affairs naman is very comforting and supportive.
"And what I love naman, very collaborative everyone sa team. So, hindi naging ganun katagal yung overwhelming, na-comfort nila ako sa pag-push nila sa akin."
Sa presscon noong Biyernes, October 25, ipinakilala rin ang mga makatutuwang na chefs ni Mikee sa daily show na ito.
Ito ay sina Chef Hazel Añonuevo, kilala rin bilang Hazel Cheffy sa kanyang mga content; Chef Ylyt Manaig, na sumikat sa TikTok dahil sa kanyang mga easy-to-follow recipes; at si Kuya Dudut na miyembro ng Team Payaman.
(L to R) Kuya Dudut, Ylyt Manaig, Mikee Quintos, and Hazel Anonuevo.
Malaki ang pasasalamat ni Mikee sa Sparkle GMA Artist Center at sa GMA Public Affairs sa tiwalang ipinagkaloob sa kanya.
Aniya, "I wanna give them a special thanks for this new opportunity.
"It's the first time na talaga mahahasa or mati-test ang aking hosting skills.
"Thank you so much for trusting me for Lutong Bahay.
"I promise I will give my best every day."
Read: Mikee Quintos shares her culinary passion in Lutong Bahay
MIKEE QUINTOS AND LUTONG BAHAY CONCEPT
Paano nabuo ang konsepto ng Lutong Bahay?
Paliwanag ng senior program manager na si Karen Lumbo, "Ang Public Affairs naman is always looking for ways to give our audience something new, something fresh, di ba?
"So, naisip namin, 'Ano ba yung mga gusto ng mga Pilipino?'
"Gusto nila pagkain. So, pag nanonood ng content about pagkain, gusto nila ng tsismis, gusto nila kuwentuhan."
Dahil doon nabuo ang kuwento ng Lutong Bahay.
Dagdag pa niya, "The timeslot is perfect for it, it's pre-dinner.
"So, family, alam natin families are together, it's wholesome programming for the entire family, di ba?
"So, parang naisip namin yung concept na something that would appeal to the entire family, would appeal to a broad audience.
"Kasi nga, food and kuwentuhan. Lagi naman sa hapag, di ba, pag kumakain tayo, there's always kuwentuhan."
Masayang sabi pa ni Mikee, "Very exciting to!
"It's the start of a long, long, long, hopefully, we count years together.
"Excited po kami maka-bonding kayo every day."
Nagpa-sample naman ang tatlong co-hosts ng Lutong Bahay ng kanilang ipinagmamalaking recipes na tinatawag din nilang "celebratory recipes."
Dala ni Chef Hazel ang ipinagmalaki niyang shrimp salvatore; lengua with mushroom cream sauce ang kay Chef Ylyt; at soft tacos naman mula kay Kuya Dudut.
Bago mag-24 Oras, tutok na at makipagtsikahan kasama ang masasarap na recipes sa Lutong Bahay, 5:45 p.m. sa GTV.