Ready ka na bang matikman ang onion ice cream?
Ginawa ito ng Occidental Mindoro State College (OMSC) sa San Jose, Occidental Mindoro.
Pinatunayan nila na ang onion o sibuyas ay di lang pampasarap sa adobo, sisig, bistek, dinakdakan, at iba pang putaheng Pinoy.
Hindi rin limitado sa chips at crackers ang snacks na onion-flavored, kundi pwedeng isama ang ice cream dito.
Noong January 13, 2025, iniulat ng Tourism San Jose Official sa kanilang Facebook account ang paggawa ng onion ice cream.
Nakasaad sa kanilang post: “This 2025, make your summer extra special with a treat that’s not just refreshing but also uniquely San Joseño!
“Occidental Mindoro State College (OMSC) proudly introduces the Onion Ice Cream—a one-of-a-kind creation developed by the Food Processing Center under the College of Agriculture.
“This unique delicacy is not just a cool summer treat but also a testament to the innovative ways we can celebrate one of San Jose's most abundant agricultural products—onion!”
Read: Tips kung ano ang dapat at di dapat kainin, inumin sa tag-init
PAANO NABUO ANG KONSEPTO NG ONION ICE CREAM?
Noong 2022, iniulat ng Department of Agriculture ang malaking pagbaba ng farm gate price ng red onions sa Occidental Mindoro.
Mula sa PHP42 kada kilo, bumagsak ito sa P12-15 per kilo.
Ang dahilan: over overproduction.
Bago natapos ang 2022, mas bumaba pa ang presyo ng kilo ng sibuyas sa PHP8.
Dumagsa kasi sa merkado ang mga imported na sibuyas kasabay ng pag-aani ng mga lokal na magsasaka.
Dahil dito, nahirapan ang mga local onion growers na mabawi ang kanilang nagastos sa pagtatanim ng sibuyas.
Napilitan ang OMSC researchers na maghanap ng solusyon para matulungan ang mga mahihirap na onion farmers.
Read: Herbal medicine for gout effective and safe—UP Manila institute
RESEARCH PROVES ONIONS CAN BE USED IN MAKING ICE CREAM
Hindi na bago ang onion-based products.
Matatagpuan sa mga grocery stores ang onion powders and onion-flavored chips.
Gayunpaman, ibang direksyon ang tinahak ng OMSC researchers.
Lumikha ang mga ito ng produktong wala pa sa merkado.
Ayon kay Arvin Jonathan Flores, technology transfer officer ng OMSC Food Processing Center sa panayam ng Philippine Information Agency last March 24: “There has been no established research on using onions in sweets, specifically ice cream.
“Luckily, our research proved that onions can be used to make ice cream.”
Read: Vegetable Orchestra plays instruments made from veggies
ONION ICE CREAM GIVES MORE OPPORTUNITIES TO LOCAL ONION GROWERS
Naibahagi ni Flores na karamihan sa mga nagtatanim ng sibuyas sa Pilipinas ay kuntento na sa pagpo-produce at pagbebenta ng raw onions.
Dahil dito, nagiging limitado ang potensyal ng lokal na industriya ng sibuyas para sa value-added activities.
Ani Flores: “Our problem is, what if the price of onions drops?
“What steps will the farmers take?
“How will they earn a profit in that scenario?”
Ang research ng OMSC sa onion food processing ang nagkaloob ng sagot sa mga katanungang ito.
At isa ang pagkaka-develop sa onion ice cream sa nagbibigay ngayon ng mas malaking oportunidad para sa local onion growers.
Paliwanag ni Flores, “This can help the onion industry flourish, beyond just producing onions.”
Read: Tiny hotels built to save solitary bees!
PROMOTION OF ONION ICE CREAM NOW IN FULL BLAST
Ang onion ice cream ay nagpapakita rin ng versatility ng sibuyas na hindi lang ito pampasarap sa iba’t ibang putahe.
Sa ngayon ay isinasapinal na ng OMSC ang labeling ng onion ice cream—kabilang dito ang nutritional information and shelf-life analysis.
Ito ay para opisyal na ring maisapubliko ngayong taon ang ginagamit dito na production technology.
Nag-e-explore na rin ang OMSC team kung paano makagagawa ng iba pang variants ng onion ice cream.
Nakipagtuwang na ang OMSC sa San Jose Local Government Unit, sa pamamagitan ng Municipal Tourism Office, para mai-promote ang produkto.
Nakikipag-ugnayan na rin ito sa Department of Trade and Industry para sa product labeling—at para maging available ang onion ice cream sa mga One Town, One Product (OTOP) hub and Pasalubong Center.
Read: Problem with rats at home? Use peppermint to keep them away
HOW DOES ONION ICE CREAM TASTE
Kabilang sa misyon ng OMSC ay ang matikman ng bawat Pilipino sa buong bansa ang onion ice cream.
Pero ano nga ba ang lasa nito, lalo pa at kakatwang kumbinasyon ang sibuyas at ice cream?
Ani Flores, iisa ang reaksyon mula sa mga nakatikim na nito.
“People are amazed by the onion ice cream’s taste.
“They can’t quite describe the experience.”
Pagtitiyak naman niya, “But they clearly enjoy it.”
Sa ngayon, ang onion ice cream ay available pa lang sa OMSC Food Processing Center na nasa Barangay Murtha, San Jose, Occidental Mindoro.
Read: Why hanging overripe bananas in your garden is beneficial