Kung bumibili ka ng sariwang mussels o tahong, malamang ay napaisip ka na rin kung bakit meron silang kumpol ng mala-buhok o mala-sinulid sa shell.
Malamang na-experience mo na ring tanggalin sila at medyo nahirapan ka dahil sa mahigpit ang kanilang pagkakadikit.
Pero “beard" pala ang tawag sa mga ito at hindi sila buhok.
Mayroon din silang mahalagang papel para sa proteksiyon ng mga tahong.
Read: Summer eating tips: What doctors want you to know
THE purpose of the HAIR-LIKE fiber
Ayon sa Fishy Science YouTube video na in-upload noong August 9, 2024, ang tahong ay kasama sa uri ng Mytolida o Mytilidae, at isa itong marine bivalve mollusks kaya natatakpan ng dalawang matigas na shell.
Mayroong iba-ibang uri ng tahong.
Pero sa Pilipinas, pinakapopular ang green mussel o ang Perna viridis.
Tulad ng ibang bivalves, may paa rin ang tahong na mukhang mahabang muscle.
Sa upper part ng paa nagmumula ang thread ng beard.
May gland sa paa na siyang naglalabas ng mala-buhok na fiber na tinatawag na byssus at nakadikit sa interior ng tahong.
Ang fiber na ito ang ginagamit ng tahong sa anumang bagay para kapitan.
Kadalasan, kapag inaani ang tahong ay makikita silang nakakapit sa mga surfaces, tulad ng kahoy o bato.
Naglalabas ang tahong ng adhesive substance mula sa paa nito.
Ang substance na ito ay mabilis na tumitigas kapag nagkaroon ng contact sa tubig.
Makikita sila sa beard, na siyang kumakapit sa kahoy o bato para hindi maanod ang tahong sa ilalim ng tubig.
SEX OF THE MUSSELS
Ipinaliwanag din sa Fishy Science video na may kinalaman ang kulay ng laman ng tahong sa kasarian nito.
Kapag ang laman ng tahong ay kulay orange, ito ay ang babae.
Lalaki naman kapag ang laman ng tahong ay maputla o kulay puti.
Read: Meet Benzone Kennedy Sepe, Davao del Sur farmer who finds success in growing 500 apple trees