Kadalasan, kumakain tayo ng crackers bilang pantawid-gutom. Popular din sila sa mga nagda-diet.
Tinatawag ding saltine crackers o soda crackers, ang mga kilalang brands dito sa Pilipinas ay SkyFlakes, Magic Flakes, Rebisco Crackers, Graham Crackers, at Sunflower Crackers.
At bukod sa original flavor, nagkaroon din ng iba't ibang fillings.
Pero minsan mo na rin bang naisip kung bakit tadtad ng butas ang crackers?
Para ba mas madali silang baliin?
Ang tawag sa butas ay “docking” holes.
At noon pa mang sinaunang panahon, makikita na sila sa mga crackers.
Sa pagbi-bake ng crackers at mga tinapay, gagawa muna ng hydrated dough.
Asahang mas mabigat ang liquid ingredients kumpara sa dry ingredients, ayon kay Kathryn Gordon, chef-instructor sa Institute of Culinary Education, sa ulat ng Allrecipes.com, isang malaking community-driven food site.
Kapag bini-bake ang hydrated dough, karaniwan ay may bahaging lolobo dahil sa trapped air, kaya nagkakaroon ng air pocket o air bubble. Ganito ang nangyayari sa baguettes, sourdough, at focaccia bread.
At para ma-achieve naman ang flat appearance at maging malutong ang crackers, kailangang ma-release ang steam sa loob ng bini-bake.
Dito pumapasok ang kahalagahan ng mga docking holes, na nakakatulong para lumabas ang steam at manatiling flat ang crackers.
Pero hindi basta-basta binubutas ang dough pag bini-bake upang maging crackers. Meaning, hindi random ang paglalagfay ng docking holes.
Calculated ng manufacturers ang dami nila.
"The tiny yet mighty holes ensure layers of delicious dough are held together during the baking process as each cracker bakes,” ani Zach Wyer, brand marketing director ng Kellogg’s Crackers.
Sa big manufacturers, gumagamit sila ng mga machines kaya uniform ang dami at posisyon ng mga docking holes.
Pag gagawa ng homemade crackers, puwedeng gumamit ng tinidor at toothpick para tusukin ang dough.
Ang isang hole ay sapat na sa maliliit na crackers.
Dagdadagan na lang kung mas malaki ang size ng ibi-bake.
Kapag nagkulang naman ang mga butas, tiyak na magkakaroon air bubbles at sunog na crackers.
Hindi rin basta-basta tutusukin ang cracker dough. dapat may spacing ang mga butas.
“Close positioning of holes makes the crackers dry and hard to chew. If the holes end up being too far, then it will disintegrate the cracker," sabi ni Kristen Sirbak, owner ng Beverly’s Pastry Shop sa Pottstown, Pennsylvania, USA.
Read: The surprising history of Graham Crackers
AN OLD PRACTICE
Ang pagbubutas o “docking” sa tinapay ay matagal nang ginagawa
Ginamit na examples ng Petitchef.com ang pilot bread at hardtack, na madalas baunin ng mga sundalo at sailors noong 19th century.
Mas matagal ang pagluluto o pagbi-bake ng mga ganitong klase ng crackers para matiyak na tuyong-tuyo ang dough at para tumagal ang storage life.
Tried and tested method ito ng 127-year-old brand na Nabisco.
Read: Is it safe to eat hard-boiled eggs with grayish yolks?