Masama ang chichirya lalo na sa mga bata. Karamihan kasi sa mga ito ay halos walang nutritional value na kailangan ng katawan.
Pero ibahin ang ginagawang chichirya ng isang kumpanya—ang Nutridense Food Manufacturing Corp.—na itinayo ni Racky Doctor sa Sta. Barbara, Pangasinan.
Isa itong food manufacturing company na itinayo para labanan ang malnutrition lalo na sa mga bata.
Read: Japan looking for 350 Pinoy nurses and care workers
HOW THE IDEA STARTED
Si Racky ay dating bahagi ng academe ng Science and Technology sa Pangasinan.
Subalit may limitasyon daw ang regular job para lumalaki niyang pamilya kaya naisipan niyang magnegosyo.
Ang una niyang ipinakilala ay tinawag niyang Hyposol, isang product na nagdi-disinfect ng dirty drinking water. Nag-take off ito.
Pero napagtanto niyang hindi lamang malinis na inumin ang kailangan ng mga taong tinamaan ng mga kalamidad na kanilang pinupuntahan.
Kuwento ni Racky, ang komento raw ng mga tao ay may pang-inom nga sila pero wala namang makain, kuwento niya sa My Puhunan ng ABS-CBN.
Doon nagkaroon ng idea si Racky na pagkain naman ang bigyang-pansin.
Pero ang pokus niya ay hindi lamang para magkaroon ng negosyo.
Nagbigay-daan ito para magtayo siya ng business para labanan ang malnutrition.
NUTRITIOUS SNACKS
Ang una niyang naimbentong chichirya ay ang rice mongo curls, na ang sangkap ay pinagsamang bigas at mongo.
Naging posible ang proseso ng paghahalo ng dalawang ingredients sa tulong ng technology ng Department of Science and Technology – Food and Nutrition Research Institute (DOST-FNRI).
Pina-process ang rice at mongo gamit ang hot extrusion line.
Paliwanag ni Racky, ang rice ay good source ng energy, samantalang ang monggo ay magandang source ng protina.
Ano naman ang pinagkaiba ng snacks na ito sa market?
“These ones are all natural: no preservatives, no salt, no sugar, no oil, not any of those,” ani Racky.
Sa tulong din daw ng DOST, may kapasidad ang kumpanya ni Racky na tumagal ng hanggang dalawang taon ang shelf life ng produkto.
Mayroon din silang brown rice bar na wala ring preservatives at may all-natural ingredients.
Ang goal ni Racky sa kanyang products ay malabanan ang malnutrisyon sa mga bata at sa kanilang mga pamilya.
Ang kanilang regular clients ay mga government agencies na may parehong campaigns laban malnutrition tulad ng Department of Education, Department of Social Welfare and Development, National Nutrition Council, Department of Health, UNICEF.
“Much of the products are being used by the school feeding program ng gobyerno,” sabi ni Racky.
Pero unti-unti, pinapasok na raw ng kanyang kumpanya ang mainstream food market.
CHICHIRYA WITH A PURPOSE
Pahayag ni Racky, makabuluhan misyon ng kumpanya na makapag-provide ng masustansiyang pagkain para sa mga estudyante at mga bata, at makipag-collaborate sa mga government agencies at farming community.
Dahil dito, ilang awards na ang iginawad sa Nutridense Food Manufacturing Corp.
Noong 2023, national awardee ito ng Department of Labor and Employment, at ginawaran na rin ng DOST.
Taong 2025 naman nang maging Presidential Awardee ito para sa Micro, Small, and Medium Enterprises (MSMEs) sa ilalim ng Medium Enterprise Category.
Binanggit din ni Racky na malayo na ang nararating ng kanilang kumpanya.
“A lot has changed. Nag-scale up po yung business, maraming natulungan, maraming collaborations with government agencies, farmers, and communities."
Pero nanatili raw silang tapat sa core values ng negosyo.
Sabi niya: “We remain committed to our vision and mission. Our mission is help curb the high rate, risky rate of malnutrition in our country.
“We remain consistent with our actions.”
Saad pa niya, goal din niya ang “inclusive growth” upang hindi lang ang kumpanya ang makinabang kundi pati ang mga manggagawa at mga tinutulungang komunidad.