Naging everyday routine na ni Reina Hispanoamericana 2017 Teresita Ssen "Winwyn" Marquez ang pagko-CrossFit.
Ang CrossFit ay isang branded fitness regimen at competitive fitness sport na pinaghalu-halo ang workout routines na galing sa high-intensity interval training, Olympic weightlifting, plyometrics, powerlifting, gymnastics, girevoy sport, calisthenics, strongman, at iba pang exercises.
Seryoso si Winwyn sa kanyag "WOD" or "Workout Of the Day" at kahit napapagod, hindi raw siya sumusuko sa workouts.
Kung dati raw ay nagwo-workout lang siya dahil may pinaghahandaang pictorial, ngayon ay bahagi na ng lifestyle niya ang CrossFit.
Hindi na lang daw para sumeksi ang goal ni Winwyn.
"Na-realize ko na as you train every single day, mas naging healthy ako. Hindi ko na lang inisip na gusto ko lang pumayat. Siguro yung goal ko na lang is to be really healthier," sabi ni Winwyn sa interview sa kanya ni Cata Tibayan ng 24 Oras.
Dahil sa dedikasyon niya sa CrossFit training, nanalo pa siya at ang kapatid at coach niyang si Yeoj Marquez sa isang CrossFit competition kamakailan.
Kuwento pa ni Yeoj, minsan daw ay siya na mismong ang pumipigil kay Winwyn sa pagwo-workout dahil dalawang beses daw itong mag-workout sa loob ng isang araw.
Sinasabayan din daw ni Winwyn ang kanyang workout ng kakaibang klase ng pagda-diet.
Paghahanda na rin daw ni Winwyn ang kanyang pagwo-workout sa napipintong pagpasok niya sa Philippine Army training para maging army reservist.