Porke masakit ba ang ulo, e, may migraine na?
Definitely not.
Alam niyo ba na may iba't ibang klase ng headache depende sa location nito?
Ayon sa mga experts, kung sa browbone or cheekbone ang masakit, "sinus" headache iyan; kung sa eye area naman, "cluster" headache; kung ang sakit ay parang pinipiga ang iyong ulo, meron kang tension headache.
Ang migraine ay nasa ibang level dahil kung hindi mo ito maaagapan, titigil talaga ang mundo mo dahil sa sakit.
Bianca Gonzalez's Instagram post dated February 22 gave a clearer picture:
"Those who know me know I’m a migraine sufferer. I was diagnosed nung Grade 3 pa lang ako. Those who suffer from migraine know how HARD it is—hindi lang siya simpleng headache.
"Sometimes, it reaches a point where I am useless for 3 days, just in bed, vomiting, and unable to move."
Bukod pa rito, mas nagiging sensitive sa sound at light ang isang taong may migraine. Ika nga ng mga doktor, it can debilitate you for days dahil mas pipiliin ng mga migraine sufferers ang magkulong sa kuwarto.
MIGRAINE SYMPTOMS
A 10-year-old kid can have it. And a person gets less attacks by the time he/she reaches 50 years old.
Some have it twice a month. Yung iba naman, they seldom have it, but when they do, the headache lasts up to two weeks.
Unlike the common headaches, may iba't ibang phases ang pag-atake nito, and it usually starts with a dull headache, na mas lalala if you engage in a physical activity.
Bukod sa pagsusuka, posible rin daw na may kasama itong belly pain, pagkahilo, blurred vision, at diarrhea ito, ayon sa WebMD.com.
At kaakibat ng mga symptoms na ito ay mga triggers, na malaki ang magagawa para maagapan ang migraine.
Narito ang listahan na makikita sa website na MayoClinic.org.
1. Stress
2. Alak
3. Hotdog, pepperoni, luncheon meat, at mga pagkain na may food additives, gaya ng nitrates at monosodium glutamate (MSG).
4. Pabagu-bagong panahon
5. Pagkakaroon ng period
6. Pagpupuyat
7. Pag-skip ng meals
MIGRAINE SYMPTOMS WITH AURA
Yung tinatawag na classic migraine ay may sensory symptoms na tinatawag na aura.
Usually, nagsisimula ito isang oras bago mag-strike ang pain, at nagtatagal ng 15 minutes to one hour.
Narito ang common aura, ayon sa WebMD.com:
1. Bright flashing dots or lights
2. Blind spots
3. Blurry vision
4. Temporary vision loss
5. Wavy or jagged lines
May rare cases ng migraine na ganito ang sintomas:
1. Hemiplegic migraine- a short period of paralysis (hemiplegia) or weakness on one side of the body. Magkakaroon ng "temporary numbness, dizziness, or vision changes," na sintomas rin ng stroke. Kumunsulta agad sa doktor.
2. Ophthalmic migraine- "short-lived, partial, or complete loss of vision in one eye, along with a dull ache behind the eye, which may spread to the rest of your head."
3. Migraine with brainstem aura.
Bago sumakit ang ulo, makakaramdam ng "dizziness, confusion, or loss of balance." Puwede ring magkaroon ng problema sa pagsasalita, ringing in the ears, at pagsusuka.
Ang sakit ay usually sa back part ng ulo, at sinasabing may kinalaman sa "hormone changes."
4. Status migrainosus- "rare and severe type of migraine can last more than 72 hours."
5. Ophthalmoplegic migraine- which is characterized by "pain around the eye, including paralysis of the muscles around it." This is a medical emergency dahil posibleng mauwi ito sa aneurysm.
Yung symptoms naman ng migraine na walang auras ay:
1. Anxiety
2. Depression
3. Feeling very tired
MIGRAINE prevention
Knowing the symptoms and triggers, and noting the patterns can help prevent a migraine.
Sa mga ladies, halimbawa, if it usually happens before the menstrual period, alamin kung may iba pang triggers. Pagpupuyat ba? Maingay na environment? Once you know, avoid them at all cost.
Some doctors also recommend "stress management and relaxation training." Chill lang.
If you need preventive migraine medication, consult a neurologist.
In the case of Kris Aquino, kelangan niyang magpa-botox injection 34 times para masiguradong hindi siya magkaka-migraine.
Sa kuwento niya sa isang previous interview, "I went through 34 shots of botox sa skull, sa temple, sa neck, sa lahat.
"Ang sakit, 34 times in-inject!
"Nagma-migraine ako talaga kasi hormonal.
“And that’s every three months, ha.
"Masakit siya kasi ang daming shots. Imagine mo, 34 times ka in-inject."
Botox works by paralyzing the muscles.