Nahawaan din ng COVID-19 si Miss Universe 2015 Pia Wurtzbach, na kasalukuyang na sa United Kingdom.
Ito ang ipinagtapat ni Pia sa kanyang Instagram post ngayong araw, January 7, 2022.
Saad ng beauty queen, patuloy silang nagpapagaling ng kanyang kapatid na si Sarah Wurtzbach na tinamaan din ng virus.
Bakunado at may booster shot na si Pia, at kilala rin siya sa kanyang healthy lifestyle, pero tinamaan pa rin siya ng COVID.
Ayon pa sa beauty queen, lahat ng sintomas ng COVID-19 ay nagkaroon siya pero nagpapagaling na siya ngayon.
At ang magandang balita, sa pinakahuling pagpapa-test nila ng kapatid ay pareho na sila negative sa COVID-19.
Bahagi ng kanyang post: “I caught COVID here in the UK even though I’ve been fully vaccinated & received my booster shot already.
“Kumpleto din ako ng flu & pneumonia vaccines. I eat healthy & I’m active, but I still got it.
“I got all the symptoms too. Fever, sore throat, body pain, runny rose, cough, & I also lost my sense of smell & taste.
“It’s not like a regular cold or flu that goes away after a few days. I’ve never been sick for this long, which lasted more than a week.
“I’m one day away into completing isolation with my sister, @sarahwurtzbach who also caught it. We both tested negative already, thank God. [praying hands emoji]
“The worst is through. I am recovering well. I am beyond grateful my parents are safe. Di sila nahawa sakin. [praying hands emoji]”
Ikinabahala naman ni Pia ang lumulubong bilang ng tinatamaan ng virus hindi lamang sa Pilipinas kundi maging sa ibang bansa.
Kaya paalala niya, huwag maging kampante at laging sundin ang health protocols.
Aniya, “Guys, COVID is so real. My timeline shows that many have/had it too, both in the Philippines & abroad.
“And the numbers are going up exponentially. Please take this seriously cos anyone can get it no matter how healthy you are.
“Being fully vaccinated doesn’t stop you from getting the virus but it helps you overcome it. Please follow health & safety protocols.
“I think it’s the moment you put your guard down, doon ka mahahawa. You think you’re safe & usually yung makakahalubilo mo walang symptoms.
“Akala mo all is well. Pero, nahawa ka na pala at may possibility na maipasa mo sa iba nang di mo alam.”
May mga napansin din daw siyang lumalabag sa alituntunin kahit na nakakaramdam na ng mga sintomas sa pagkakaroon ng virus.
Puna pa niya, “It seems easy for anyone to just break protocols & still go out even when they know they tested positive. Feeling nila, di sila mahuhuli or wala namang nagbabantay. I’ve personally seen other people do this.
“Meron pa diyan, may symptoms na & have the means to get tested pero ayaw nilang maconfirm na may COVID sila, tas lalabas parin. Naku, konsensiya niyo nalang yan. Konting personal accountability, please.”
Kaya payo niya, “Ang dami nang nagkasakit. I don‘t wanna sound preachy but let’s not be selfish & go breaking protocols, hoarding supplies, refusing to get tested & vaccinated.
“I hope we can start 2022 right. Let’s look after one other by getting those jabs, staying in isolation if needed, stop gathering in big groups, frequent hand washing, & please wear those masks properly.”
View this post on Instagram
Dito sa Pilipinas, nakapagtala ng 21,819 bagong kaso ng COVID-19 ngayong Biyernes, January 7.