Bumubuti na ang lagay ng volleyball star na si Alyssa Valdez matapos siyang tamaan ng dengue kamakailan.
Sa kanyang Instagram post ngayong umaga ng Miyerkules, August 31, 2022, nagbigay ng update si Alyssa tungkol sa kanyang health condition, kalakip ang ilang kuhang litrato habang siya ay nasa ospital.
Caption niya (published as is), "Few days ago I was supposed to go to Germany to attend an event for Allianz then play for the AVC [Asian Volleyball Confederation Cup] afterwards. Unfortunately, i tested positive for dengue."
Sa una ay nakaramdan daw ng pananakit ng katawan si Alyssa at makalipas lamang ang ilang araw ay nakaramdam na rin siya ng ilang komplikasyon, kaya naman nagpasya ang kanyang doktor na i-confine na siya sa ospital.
"The first few days were so bad — Had a high fever, body pain, and headache. I wasn't able to eat and drink anything.
"After 6 days, thankfully my fever went down, but my platelet count continued to drop dangerously to 37.
"I then experienced some complications like bleeding and a swollen liver. It was at this point that my doctors decided to admit me in the hospital with some initial discussions of a blood transfusion."
Hindi raw naging madali ang pagka-admit niya sa ospital dahil dumaan siya sa ilang lab test para mas masuri ang kanyang kalagayan.
"My first few hours in the hospital was very crucial. Waited for all the lab results and thankfully my doctors decided not to push through with the transfusion."
Sa ngayon, "road to a full recovery" na raw si Alyssa matapos ang halos dalawang linggo niyang pananatili sa ospital.
"Thank God everything slowly got better! I’ll also have my last few lab test soon too. I am on the road to a full recovery."
Sa huli ay nagpasalamat si Alyssa sa Diyos, sa kanyang pamilya, kaibigan, at lahat ng nagdasal sa kanyang paggaling.
"Thank you for all the prayers.I just wanna say thanks to my family for taking good care of me. I am also glad to have my @allianzpnblifeofficial family beside me. I didn't have to worry about anything because they’ve covered everything! Truly, i have confidence in tomorrow."
Dagdag pa niya, "Please do take care everyone and I'll see you all soon."
Noong August 19, 2022, kinumpirma ni Philippine National Volleyball Federation national teams commission head Tony Boy Liao ang kalagayan ni Alyssa, kasabay ng kaniyang anunsiyong hindi na ito makakasama sa buong tournment ng AVC Cup.
GET-WELL-SOON MESSAGES
Sa comment section ng kanyang post, maraming fans at kaibigan ni Alyssa ang nagpaabot ng dasal para sa kanyang agarang paggaling.
Kabilang sa well-wishers niya ang kapwa niya volleyball players na sina Denisse Lazaro, Eya Laure, Pauline Gaston, at Jovelyn Gonzaga.
