Nabuhayan ng pag-asa ang health industry sa buong mundo, lalo na ang mga pasyente ng Human Immunodeficiency Virus (HIV), dahil nagkaroon ng “breakthrough” pagdating sa treatment at prevention nito.
Inaprubahan na ng US Food and Drug Administration (FDA) ang injectable medicine na kayang pigilan ang HIV transmission.
Ang gamot ay tinatawag na lenacapavir, na ginawa ng Gilead Sciences, isang American biopharmaceutical pharmacy.
Read: Daniel Miranda reveals he was blocked by Sofia Andres on Instagram
NEW HIV INJECTABLE AVAILABLE IN THE U.S.
Base sa medical research, ang lenacapavir ay may efficacy rate na 99.9% bilang HIV prevention medication.
Sa ginawang clinical trials, kapag na-inject ito sa braso, hita, o tiyan, kaya raw nitong i-disrupt ang HIV "at several stages" at pipigilan ang pag-replicate ng virus, ayon sa report ng time.com.
Bukod dito, dalawang beses lang siyang ii-inject sa HIV patients kada taon kumpara sa daily preventive pills na kasalukuyang nirereseta sa kanila.
Kahit ang World Health Organization (WHO) ay optimistic sa "breakthrough."
Saad nito: “We are working with partners and national authorities to ensure lenacapavir reaches people who need it most—quickly, safely and equitably."
Available na ang lenacapavir sa U.S., pero may kamahalan siya.
Kailangang gumastos ng tinatayang $28,000 (PHP1.5 million) kada taon ang pasyente para sa dalawang injections.
Umaasa naman ang UNAids na sana ay maglabas ng generic variant para mas mapababa ang presyo nito.
At kung may "committed demand of five to ten million people within the first year," posible raw na maging $25 lang ang pricing kada tao sa loob ng isang taon.
Ang tanong: kailan magiging available ang gamot na ito sa ibang bansa, lalo na sa mga may mataas na HIV cases?
NEW HIV INJECTABLE, AMBITIOUS PLAN?
Sa paliwanag ng isang medical expert, big challenge ang kakaharapin ng lenacapavir para maging accessible ito worldwide.
Ang sabi ni Chris Beyer, Duke Global Health Institute director, naglabas ng “ambitious plan” ang Gilead Sciences para sa global access, kabilang na rito ang pagkakaroon ng generic manufacturers.
“And they’ve made voluntary licensing agreements in six countries to manufacture this drug for the 120, or so low-and-middle-income countries, globally. So, they are playing their part,” ani Beyer sa interview niya sa DW News, isang German news outlet.
Pero giit niya, “But donors and governments are also going to have to play theirs.”
Dagdag niya pa, nag-file na rin ang Gilead sa WHO at European Medical Agency (EMA) para sa pre-qualification process ng lenacapavir.
Kapag pumasa raw ang gamot sa WHO, EMA, katuwang ang USFDA, susunod na rin ang FDA ng ibang bansa.
Aabot naman daw ng tatlong taon ang approval sa licensing ng generic manufacturers.
Diin ni Beyer, marami pa raw pagdaraanan bago maging available ang drug sa iba’t ibang bahagi ng mundo.
Aniya, “It’s gonna require governments to include it in their national plans.
"It’s gonna require donors supporting this for the lowest income countries, where even the program costs will be a challenge, much less the drug costs.”
Isang malaking hamon din ngayon na maraming bansa, tulad sa Europe, at kahit sa U.S., na “less interested” sa HIV fundings, at nais ituon ang atensiyon sa iba pang aspeto ng health system reform, ani Beyer.
May binanggit pang posibilidad si Beyer: “This is a revolution that may or may not happen.
"We are really not certain that access is going to be available for all the people who need it, and in time to really make a difference.”
Samantala, sa Pilipinas, naglabas ang Department of Health (DOH) ng anunsiyo na posibleng magkaroon ng "public health emergency” ngayong taon dahil sa 500% increase ng HIV cases sa mga Pilipinong may edad 15 to 25.
Read: Health Alert: HIV cases surge 500% among Filipinos aged 15–25
Worldwide, may 40 million katao ang naitalang may HIV as of 2023.