Kinukunsidera mo bang sumailalim sa isang eye surgery dahil hirap ka na sa malabong mata? O kaya ay ayaw mo nang magsuot ng salamin dahil nililimitahan nito ang galaw mo?
Sa pamamagitan ng modern technology, maaari nang maibalik ang paningin sa 20-20 vision.
Nariyan ang eye surgeries for vision correction, tulad ng Laser-Assisted In Situ Keratomileusis (LASIK), Photorefractive Keratectomy (PRK), at Small Incision Lenticule Extraction (SMILE).
Ang tatlo ay laser-assisted vision correction surgeries pero magkakaiba ang procedures.
The more important questions are: Safe ba? May side effects ba?
Narito ang sagot ng dalawang local Filipino eye doctors.
HOW SAFE IS LASER EYE SURGERY?
Paniniyak ni Dr. Roberto Maliwat, isang vitreo-retina surgeon, ligtas ang eye surgeries kapag ginawa nang tama.
Si Dr. Maliwat ay presidente ng Premiere Eye Referral Center and Optical (PERC), isang state-of-the-art specialty eye clinic sa Roxas Boulevard corner U.N. Avenue, Manila.
Usisa ng PEP.ph (Philippine Entertainment Portal), ano ang reaksiyon niya sa mga safety concerns pagdating sa LASIK at iba pang laser eye surgeries.
“That’s why continuous ang research na ginagawa nila because all surgeries have some forms of side effects, na supposed to be tolerable naman," bungad ni Dr. Maliwat.
“It's really, very safe. The procedure is really safe, katulad ng PRK.”
Ang PRK ang kauna-unahang laser eye surgery na ginawa sa mga piloto dahil required sa mga ito ang 20-20 vision.
Sabi pa ng eye expert, sa paggamit ng laser, hindi tissue ng mata ang gagalawin kundi ang flap nito na tutubo rin after two months.
“Yung LASIK, right now, dahil sa innovation, meron kang konting pagpa-flap ng tissue mo, which the laser can do it right now, so very precise.
“In two months’ time, all our tissues pag nagkaroon ng sugat, parang wala nang nangyari, even histologically [microscopic study of tissues].”
Binanggit pa ni Dr. Maliwat na ang LASIK ay mas mild kumpara sa iba pang surgeries.
Read: Netizens touched by man’s PHP19 donation for earthquake victims
WHAT to do before laser eye surgEry
Nilinaw naman ng kasamahan ni Dr. Maliwat na sasailalim muna sa rigid screening ang isang pasyente bago sumailalim sa anumang procedure.
“The most common practice, you have to have screening,” ani Dr. Carlos Chua, pediatric ophthalmologist.
“Kasi yung ibang stories naman kasi, hindi naman sila masyadong nag-i-screen. Hindi nila alam na puwede sila dito o automatic silang nile-LASIK, hindi naman kaya.”
Ginawang halimbawa ni Dr. Chua ang sarili na kahit pa gusto niyang luminaw ang mga mata, hindi siya sumailalim sa LASIK at ibang laser eye surgeries dahil bagsak siya sa screening.
“That’s why I never did the laser,” paliwanag niya. “Yung brother ko, naka-laser kasi pumasa siya sa screening.
“Akala kasi ng tao, basta gusto kong magpa-LASIK, PRK, tapos na. Hindi.”
Isa pa raw sa ikinukunsidera ay ang lifestyle ng pasyente.
Halimbawa, kapag ang pasyente ay isang professional basketball player, hindi ito puwedeng sumailalim ng LASIK.
“Ayaw naming mag-LASIK kasi kapag nasiko iyan, natamaan iyan, baka matamaan yung flap. So, PRK [ang recommended procedure],” sabi ni Dr. Chua.
Dagdag ni Dr. Maliwat: “We screen the patient properly and explain to them kung ano yung dapat gawin na operation, yung pagpapaliwanag ng doktor sa patient.
“Ang importante sa lahat ng surgery, before na mag-decide ka for your surgery, maliwanag lahat sa iyo.”
WHAT are the side effects of laser eye surgEry?
Binanggit din ni Dr. Chua ang small side effects kapag sumailalim ng eye surgery.
“Kaya namin ine-explain dito sa PERC na may mga side effects na small.
“Sa PRK, mahapdi, para kang napuwing na nagluluha ng tatlong araw.
“Ang LASIK is okay sa Southeast Asia because it is humid. Pero pag nasa North America ka, super dry ang eyes mo, kaya minsan nagko-complain sila ng dryness.”
Hindi raw katulad noong mga naunang taon, mas advanced na raw ang machines at equipment ngayon kaya natutukoy kung ano ang ire-recommend na surgery sa pasyente.
Read: Can shirataki rice really help you lose weight?
WHAT TO DO AFTER THE LASIK SURGERY
Binigyang-diin din ng dalawang eye doctors ang kahalagahan ng follow-up checkups.
“Hindi porke’t tapos na, ‘Happy na ‘ko,’” sabi ni Dr. Chua.
“Kahit naman sa cataract, hindi porke’t tapos na ang operasyon kakalimutan mo nang maggamot. So, importante, itutuloy din ng mga pasyente iyon.”
Aminado si Dr. Chua na may ibang pasyenteng nakakalimutan o hindi na itinutuloy ang kanilang medication pagkatapos ng operasyon at bumuti ang pakiramdam.
Sinang-ayunan ito ni Dr. Maliwat: "At saka lahat nung medications, kailangan gawin..."
Very crucial daw and first five days after the surgery.
Ani Dr. Maliwat: "...the most important is the one to two weeks after the surgery. Very important na susundin mo kung ano yung instructions.
"Kasi yung first five days ng operation mo sa eye ang pinakadelikado.
“We give post-surgery instructions, lahat iyon. Like, wag mong babasain yung mata mo muna. Ang problem kasi do’n pag naligo ka at yung maruming tubig sa buhok mo tumulo sa mata mo... So, puwedeng risk for infection. At wag magbubuhat ng mabigat.
“Pero, right now, because of the modern surgery, mabilis na rin ang recovery mo. Hindi masyadong ganoon katagal tulad ng dati.
“Importante rin yung center na pupuntahan mo kung gaano kakumpleto lahat, because we are really dependent sa equipment."
Binanggit niya na sa PERC ay mayroong 65-70 affiliated doctors “with complete line of specialities in the eyes.”
“Lahat ng diseases of the eyes, we can manage,” sabi niya.
Located ang Premiere Referral Eye Center and Opital sa 2nd Floor YKM Center, United Nations Avenue corner Alhambra Street, Ermita, Manila. For inquiries, contact 0928-3664-325.