Nakaka-happy para sa supporters at fans ng stand-up comedian na si Ate Gay ang bagong update tungkol sa kanyang laban sa cancer.
Na-diagnose si Ate Gay na may mucoepidermoid cancer Stage 4.
Noong October 3, 2025, umimpis ang bukol na makikita sa leeg ni Ate Gay.
Pagbabahagi niya sa kanyang post sa Facebook: "Grabe ang bilis ng pagliit. Salamat po sa dasal… patuloy lang nyo po ako ipanalangin para sa agarang paggaling"
Ngayong Miyerkules, October 8, matapos lamang ang apat na sessions niya sa Asian Hospital Cancer Center, halos wala nang makitang bukol sa leeg ng stand-up comedian.
Sabi ni Ate Gay: "Morningggggggg selfie ko ngayong umaga… wala na akong makitang bukol… alam nyo bang 4day radiation lang yan at may 31 days pa ako… nakakagaling talaga Angpanalangin Dasal …lab u po"
Read: Ate Gay energized by direct message from crush Dominic Roque
ATE GAY'S HEALTH PROGRESS
Ang hitsura ngayon ni Ate Gay ay malayung-malayo sa unang nasilayan ng publiko na bukol niya noong September 21 nang ipinalabas ang panayam niya sa Kapuso Mo, Jessica Soho.
Noong panahong iyon, 10cm pa ang laki ng kanyang bukol sa leeg kaya palagi siyang may nakapataong na scarf o ibang bagay para ito ay matakpan.
Sabi pa niya sa kanyang post noong October 2: "Ambilis ng pagliit ng bukol in 3days… 10cm naging 8.5 …maraming salamat po sa inyong lahat na nanalangin ng aking anggarang paggaling.. patuloy lang po…. [hearts, praying hands emojis]"