Common scenario kapag magpapa-check up sa clinic at ospital ang pagiging late ng doktor.
Hindi ito nakakatulong sa mga pasyenteng masama ang pakiramdam o nasasayang ang oras sa paghihintay imbes na maghanapbuhay.
Dahil dito, hindi maiwasang isipin ng pasyente na “unprofessional” ang doktor.
Hindi rin sila masisisi kung sakaling isipin nilang mas pinahahalagahan ng doktor ang sariling oras nito kesa sa pasyente.
Ito ang tinalakay ni Dr. Alvin “Doc Alvin” Francisco sa kanyang YouTube video noong March 19, 2025.
Read: A villa with "zero bills" and 180-degree view of Mt. Arayat
REASONS WHY THE DOCTOR IS OFTEN LATE
Sa paliwanag ng doctor-content creator, hindi raw iniisip ng mga doktor na mas mahalaga ang oras nila kesa sa mga pasyente kaya sila nali-late.
Nagpakita si Doc Alvin ng dramatization para maipakita at maunawaan ang everyday grind ng doktor.
Gigising ito nang maaga at ang una nitong gagawin ay magche-check ng messages mula sa mga nurses ukol sa mga pasyente at ibang tasks na may kinalaman sa trabaho.
Ipinakita sa video na habang nag-aayos pa lamang ang doktor para pumasok sa trabaho, may mga tawag na itong natatanggap tungkol sa lagay ng iba niyang pasyente na puwedeng nanangailangan ng immediate follow-up check-ups o kaya ay medical attention.
Kasunod nito ay makikipag-communicate sa kanyang secretary para magtanong ukol sa mga naka-schedule na patients at sisimulan ang rounds sa mga ospital para puntahan ang mga pasyente.
Sa puntong iyon, binanggit ni Doc Alvin na “halos palengke ang ospital” sa dami ng nangyayari.
“Pero ito po ang reyalidad,” sambit niya.
Pagkatapos ay binanggit ang mga rason kung bakit karaniwang senaryo sa Pilipinas na laging late ang mga doktor.
“Kulang na kulang ang mga doktor dito sa bansa natin,” sabi ni Doc Alvin. Tinukoy niya ang ukol sa doctor-patients ratio na recommended, pero hindi ito ang sitwasyon sa Pilipinas.
Ang recommended doctor-patients ratio ng World Health Organization (WHO) ay 10:10,000 o 10 doctors for 10,000 patients.
Sa isang pag-aaral na ginawa sa Pilipinas, lumalabas na ang ratio sa doctor-patients sa Pilipinas ay 5:10,000 na di hamak na mas mababa sa recommended ratio ng WHO.
Nangangahulugan itong kaunti ang bilang ng mga doktor sa Pilipinas para sa dami ng mga pasyente.
Inisa-isa ni Doc Alvin ang mga posibleng dahilan sa discrepancy.
Una na rito ay ang “brain drain” o ang paglipad ng mga high-skilled professionals sa ibang bansa para doon magtrabaho.
Sinabi ni Doc Alvin na pinapaboran ng Filipino healthcare personnel na magtrabaho sa ibang bansa.
Sumunod niyang binanggit ang katotohanang napakagastos ng pag-aaral at paghahanda para maging doktor.
Mahaba raw ang proseso na umaabot ng 10-15 years.
Ang sumunod na tinukoy niyang dahilan ay underpaid umano ang doktor sa Pilipinas kaya napipilitan ang iba na hindi na magpraktis o kaya ay magtrabaho abroad.
Sa kabila ng mga kadahilanang ito, nilinaw ni Doc Alvin na hindi puwedeng balewalain ang nararamdaman ng mga pasyente.
"Nakakainis, masama ang pakiramdam ng pasyente, sayang ang oras, at nakakabastos,” ito ang madalas na reklamo ng mga pasyente.
Sabi ni Doc Alvin: “Alam ko pong pamilyar na pamilyar ang ganyang senaryo na talagang bagot na bagot na kayo; talagang namumutla na mga mata sa kakahintay sa doktor; at hindi na maipaliwanag yung inis na nararamdaman.”
Pagkatapos ay inisa-isa niya ang mga rason ng pagiging late ng doktor, batay sa kanyang karanasan.
Sabi niya, ang matinding trapik ang isa sa dahilan.
“[B]ago siya makarating sa clinic na iyon, dadaaan sa kakaibang klaseng digmaan— digmaan ng mga sasakyan sa Edsa.”
Bukod pa sa traffic, ang pagtanggap ng maraming raket ng doktor sa iba-ibang clinic.
Ang isa pang dahilan ay ang pagkakaroon ng medical emergencies.
Halimbawa, kapag ang doktor ay on the way na sa clinic at biglang may tumawag dahil may emergency, "Walang choice ang doktor kundi mag-U-turn at magpunta sa ospital, at dumiretso sa emergency para i-check, at make sure stable ang kondisyon ng pasyente.”
Read: Prefab home: pros, cons, and what you need to know
doc alvin's proposed SOLUTIONS
Sabi ni Doc Alvin, kailangan ng government intervention para masolusyunan ang big-scale problems, tulad ng brain drain, salary increase, traffic situation, at better hospital system.
May iminungkahi naman siyang mga paraan para sa pasyente at doktor.
Sa panig ng doktor, dapat lagi niyang ina-update ang secretary.
Aniya, importanteng magkaroon ng “transparency” ang doktor.
“Maging tapat tayo sa ating pasyente and i-update natin sila regularly.
“Kung mali-late tayo and talagang meron tayong emergency na kailangan attend-an, i-update natin ang ating secretary para yung secretary i-update yung pasyente.”
Sa side naman ng pasyente, dapat ay maging aktibo ito sa paghingi ng updates mula sa sekretarya kung nasaan na ang doktor.
“Karamihan naman ng mga doctors na may clinic, most of them talaga meron naman talagang secretary nagdu-duty diyan,” ani Doc Alvin.
“Puwede natin silang tanungin, o i-text, o tawagan para magkaroon tayo ng idea kung anong oras ba talaga makakarating si Doc.
“Actively, manghingi tayo ng update sa doktor or sa secretary niya para sa gayon, hindi tayo nanghuhula kung darating ba talaga si Doc, or kung anong oras siya darating, at hindi masasayang ang oras natin.”
Paraan daw ito para makapagplano ang pasyente at maiwasan nitong maghintay nang matagal.
Pakiusap pa ni Doc Alvin sa mga pasyente, magkaroon ng pang-unawa dahil baka may mga pasyenteng nangangailangan ng agarang medical attention ng doktor.
Apela naman ni Doc Alvin sa mga kapwa niya doktor: “Gumawa po tayo ng paraan para mabawasan or mapigilan yung pagiging late.
“Kung na-late, ipakita natin yung ating malasakit or unawain natin yung nararamdaman ng pasyente, at iparamdam natin na hindi natin sinasayang o binabale-wala yung oras nila.”
NETIZENS REACT
Nagbahagi naman ng karanasan ang mga netizens.
Sabi ng isa, “Some doctors, bisyo talaga paghintayin ang pasyente. And some secretaries, masungit din.”
Kung ikukunsidera ang pangalawang obserbasyon, may kinalaman ang attitude ng sekretarya para magtanong ang pasyente ukol sa update sa doktor.
Lumalabas din sa mga nagkomento na may ganitong karanasan ang iba pa.
Sabi ng isang netizen (published as is): “Totoo iyan! Ang ibang secretary (at mdami sa kanila) feeling nila doctor din sila ka busy.. di sumasagot sa tawag o text para i ma confirm kung dumating o darating ang doctor.”
Pagdating daw sa ospital, makikitang wala namang ibang ginagawa ang secretary.
“Kaya dapat, nirereport din sila sa management,” sabi ng netizen.
May isang regular patient ang naglabas ng kanyang hinaing ukol sa private hospital na madalas daw niyang puntahan.
Batay raw sa kanyang karanasan: “98% of the people there—doctors, secretaries, and nurses—will not apologize for their poor work ethic.
“They even seem more upset with patients who are already feeling unwell due to their medical conditions.”
Katuwiran ng pasyente, “The fact that we’re paying for their professional services (not that I’m trying to act high and mighty) should be met with efficiency and a professional attitude.”
Payo naman ng isang netizen (published as is), “Sa mga doctor, huwag kukuha ng racket na di kaya at mag suffer ang mga pasyente. Doctors has to learn to manage their time well.”
Hindi naman maiwasan ng iba na ikumpara ang sitwasyong ito sa ibang bansa.
Hirit ng isa (published as is): “Sorry to say-but it’s only in the Philippines! Doctors are on time most of the time, if they will be late, the patient will be notified…time is very important to everyone, respect and coming on time as much as you can will be appreciated, it doesn’t matter if you are a doctor or not!”
Pagsang-ayon ng isa (published as is), “True.. kasi dto sa Canada on my own experience never pang na late ang mga doctor dto kahit galing pa sila sa ibang clinic or hospital.”
Sabi ng isa pa: “Doctors here in japan are so efficient with time. Malaki respect nila sa time eh. Pero… low skilled kase wala naman public hospital like saten.”
But again, iba-iba ang sitwasyon ng mga doktor sa ibang bansa (published as is): “hindi kase pwede mag compare ng bansa sa bansa, magkaiba kasi ng culture, infrastructure at systema.”
May isang netizen na ang karanasan naman niya sa Australia pagdating sa medical attention ay pareho sa Pilipinas.
“Maaga ka I book then paghintayin ka ng 1-2 hrs..Duda ko marami sila tanggap na online calls.. uso din dito ang phone consultations kaya lagi sila late sa clinic.”
Ang buod ng mga komentong ito: hindi maganda ang hospital system sa Pilipinas kumpara sa mas maunlad na mga bansa. Pero may ilan din na hindi ganoon kaayos.
Pero ang maganda rito ay napag-uusapan ang isyung ito, at sana'y magkaroon ng pag-asang maayos ito.