Nagkaisa ang apat na medical societies and doctors organizations sa bansa at pumirma ng Memorandum Of Understanding (MOU) upang makapagbigay ng accessible cancer care sa mga Pilipinong nangangailangan nito.
Kasaby ng MOU ay ang paglulunsad ng isang campaign para sa 30-day cancer screening to treatment program.
Ang signing event ay itinaon sa World Cancer Day noong February 4, 2026.
Kasapi sa mga lumagda ay mga kinatawan mula sa Philippine Cancer Society, Philippine Medical Association (PMA), Philippine Society of Medical Oncology (PSMO) at Philippine Society of Oncologists (PSO), ulat ng GMA News Online.
Sa ilalim ng kasunduan, layong makabuo ng sistema para makapagpatupad ng national health policies at makapag-implement ng mga programa sa lokal na komunidad.
Read: Cafe in Amadeo, Cavite, used to be an emission testing center
ACT NOW CAMPAIGN
Sa tulong ng mga stakeholders, nabuo ang Access to Cancer Treatment (ACT NOW) campaign, kung saan bahagi ang 30-day cancer screening to treatment program.
Dati kasi ay inaabot ng halos kalahating taon ang gamutan.
“The ACT NOW manual is a startup kit and operations manual kit para po tulungan ang mga cancer advocates, cancer leaders, mga medical societies as well as yung local government unit officers, cancer control coordinators to act now prioritize cancer control becuase time is life," ani Dr. Herdee Luna, oncology manager, Philippine Cancer Society, sa IBC-13 interview.
Pahayag naman ni Dr. Arthur Go, President, Philippine Society of Oncologists: “Marami pong problems in the Philippines, gaya ng hindi alam kung saan tutungo.
"Kaya dito sa ACT NOW, pagtutulungan po mula sa national na pamahalaan, lokal na pamahalaan, medical societies, patient advocates, at mga caregivers... sabay-sabay po na bayanihan para makatulong sa ating mga kababayan.
“We want to have a network na very concrete network to help each other talaga. Advanced na ang stages ng cancer natin so hindi natin naagapan."
Kasama sa services ng ACT NOW ang early detection ng cancer sa tulong ng mga mobile laboratory sa mga barangay na maaaring magsagawa ng screening o testing, at makategorya ang na-test kung kailangan ng agarang referral sa mga partner public hospitals, doktor, at counsellors.
Read: How Philippine Red Cross Safe Card can help during an emergency
THE NEED TO ADDRESS THE PROBLEM
Malaki ang pangangailangan ng Pilipinas pagdating sa cancer care lalo pa’t limitado ang healthcare infrastructure at resources sa bansa.
Napakamahal pati ng gamutan.
Sa kanyang pahayag sa MOU signing, binanggit ni Department of Health (DOH) Assistant Secretary Gloria Balboa ang importanteng papel ng stakeholders at ng private sector para matulungan ang gobyerno na ma-address ang problema sa cancer.
Offhand, may mga hakbang na raw ang DOH para makapagbigay ng cancer care: prevention, early detection, treatment, at survival.
Dagdag ni Dr. Luna, nakita sa mga pag-aaral na 47 percent ang predicted increase ng cancer cases sa buong mundo. Mula 19.3 million inaasahan itong aakyat ng 28.4 million pagsapit ng 2040.
Binigyang-diin din niya na maraming factors kung bakit hindi nagagawa ang early diagnosis, kung kaya’t napakahalaga ng community screenings bilang unang hakbang sa cancer healthcare.
Para sa mga karagdagang impormasyon maaaring i-check ang Philippine Cancer Society Facebook page o kaya tumawag sa kanilang tanggapan (02) 734 2126.