Kabilang ang mag-asawang Julius at Smile Garcia ng Batangas sa naengganyo na magpagawa ng tiny house.
Ayon kay Julius sa panayam ng Summit OG, "...During the pandemic lockdown, we came across YouTube videos with regards to tiny houses. Doon kami na-inspire.”
Nagdesisyon silang isagawa ang plano sa isang property nila sa Padre Garcia, Batangas.
Ani Julius, “Nagsabi rin kasi ako [kay Smile] na on her 40th birthday, doon kami mag-celebrate ng birthday niya sa sarili na naming bahay.”
Kuwento ni Smile, “Nag-start ang construction at end of July 2020.
“It was finished mga December 2020, and we moved in ng January 2021.”
Mas akmang gamitin ang salitang "compact" kung ilalarawan ang size ng kanilang bahay. Hindi ito gaanong maliit at masikip. Tama lang ito sa pangangailangan ng mag-asawa.
Ang disenyo naman ay simple pero kakaiba.
Ang layout ay aakalain mong pangkaraniwan na parihaba at medyo hawig sa container van.
Sabi ni Julius, “Sa materials namin, we used concrete and wood. And then for those areas na may water, like the toilet, bathroom, and kitchen we used concrete.
“And for the rest of the house, we used wood framing para magaan lang siya and lightweight.
“And then for the walls, we used a long span na makapal na yero. Custom na siya, ganoon din yung aking roof.”
Ang kanilang floor area ay may sukat na 27 square meters.
Nasa first level ang kanilang living space, kitchen, at isang full-sized bathroom.
Ang mga kuwarto ay may sukat na 3 x 3 meters.
Nasa 18 square meters naman ang lawak ng second floor.
Dalawa ang lofts sa second floor, at may isang bedroom na direktang nakaharap sa kanilang entertainment area.
TINY BUT FUNCTIONAL
Isa sa ipinagmamalaki nina Julius at Smile na feature ng kanilang tiny home ay ang malawak na open area sa pinaka-center nito.
Nagbibigay iyon ng impresyon ng mataas na kisame kaya parang sobrang lawak ng kanilang espasyo.
Ani Julius, “Itong tiny house namin, designed na maliit lang yung space pero functional lahat.
“'Tapos yung dining area, marami kang puwedeng gawing arrangement to accommodate different situations…Iyon yung favorite part ko.”
Kung nagpaplano kayong magpatayo ng sariling tiny house, panoorin ang OG video na ito tampok ang “mansion” nina Julus at Smile para makakuha ng mga ideas: